Ich sach die blv̊men wunneklich entspringen

Ich sach die blv̊men wunneklich entspringen·
bi schoner zit der walt wc wol gelǒbet·
die froͤide wil der winter kalt verdringen·
er hat den anger siner kraft berǒbet·
da bi hat mich entânet miner sinne·
mins herzen trost vnd ǒch min kúniginne^{[WS 1]}·
ir roter mvnt·
hat mich verwunt·
dc ich in rehter liebe bin ertǒbet·

Warzv̊ klage ich die blv̊men vf der heide·
wan klage ich niht den kvmber den ich dvlde·
dc mir ein frǒwe tv̊t so vil zeleide·
vnd dv́ mich hasset ane mine schvlde·
wie wol si doch kan herzeleit vertriben·
si ist ein krone ob allen reinen wiben·
ir wengelin·
gent liehten schin·
nach leide were ich vro het ich ir hvlde·

Anmerkungen (Wikisource)

1. Vorlage: kúnine.