Ich lebte ie nah d̾ lúte ſage

Ich lebte ie nah d̾ lúte ſage·
wā dc ſi niht geliche iehent·
als ie ein^{[WS 1]} hohes h̾ze trage·
vn̄ ſi mich wol gemv̊tē ſehēt·
dc haſſet ein̾ ſere·
d̾ and̾ giht mir ſi froͤide ein ere·
nvn weis ich wē ich volgē ſol·
het ich wiſheit vn̄ ſin ſo tet ich wol·

Ich hoͤꝛe im manig̾ erē iehē·
d̾ mir ein teil gedienet hat·
d̾ im in ſin h̾ze kan geſehē·
an des genade ſv̊che ich rat·
dc erſ mir rehte erſcheine·
nv fúrhte ab̾ ich dc ers mit valſche meine·
tet er mir noh den willen ſchin·
het ich iht lieb̾s dāne dē lib deſ mvͤze er h̾re ſin·

Iſt dc mich dieneſt helfen ſol·
als es doh māgen hat getan·
ſo gewīnet mir ir hulde wol ein wille den ich húte han·
d̾ riet mir dc ich ir bete·
vn̄ zurnde ab̾ ſi dc dc ich es dānoch tete·
nv wil ich eſ tv̊n ſwc mir geſchiht·
ein reine wiſe ſelig wib d̾ laze ich doh ſo lihte niht·

Wie kvmt dc ich ſo wol v̾ſtan·
ir rede vn̄ ſi d̾ miner niht·
vn̄ ich doch groſſer ſweſe niht en han·
wā dc mā mich vꝛo dꝛvnder ſiht·
ein and̾ mā es lieze·
nv volge aber ich ſwie ich es niht genieſſe·
ſwas ich dar vmbe ſw̾e trage·
da en ſpꝛiche ich niemer v̾bel zů·
wā ſo vil dc ich eſ clage·

Anmerkungen (Wikisource)

1. Vorlage: iein.