Ich bin der der lieben liebú mere ſinge
[72v]
Ich bin der der lieben liebú mere ſinget·
vn̄ der lieb ze liebe dike vnſanfte bꝛinget·
ſwc ich ſol dc leiſt ich in mit trúwen gar·
bꝛinge ich lieb ze liebe ſo iſt beidē· lieb al dar·
ſinge aber ich ein ſcheiden· des nement[WS 1] ſi vil kleine war·
Wahter wie mag dich ſo kvrzer wile erlangē·
ſit ich han den lieben man zv̊ mir gevangē·
der mir an dem arme vn̄ in dem herzen lit·
vn̄ mir fúr ſenende ſoꝛge ſpilnde froͤide git·
wahter bekenneſt dv deſ manēs ſchin fúr tages zit·
Frowe ich kan iv zehuldē niht wol geſingen·
got der laſſe iv beiden iemer wol gelingen·
ê doch klage ich den edelen w̾den ſvͤſſen man·
mir iſt leit ſol ich im helfen niht von dan·
wol im der bi liebe leides ſich behuͤten kan·
Sit din rat mit trúwē vert wahter gv̊t·
ſo gang vō der wer her vmbe an diſe hv̊t·
ia getoꝛſte ich dir min leit niht wol geklagen ê·
owe liebeſ mannes vn̄ mines h̾zen[WS 2] we·
wahter nim min golt vn̄ hilt im hin ſwieſ mir erge·