Ich ſolde den liehtē ſvm̾ lobē

ICh ſolde den liehtē ſvm̾ lobē·
des han ich mich v̾ſvmet her·
dc lant iſt nidē vn̄ da bi oben·
geblvͤmet nach mis h̾zen ger·
dú zit vns bꝛinget núwe fruht·
frid vn̄ frůt iſt vns bereit·
ir ſwaben nemt die altē zuht·
her fúr ſo tragēt ir eren kleit·
mit zuhten ſult^{[WS 1]} ir ſin gemeit·
Swē ich ſinge· ſwies erklinge·
ſwas ich ſage· doch trage ich klage·

Min klage iſt dc mich hat v̾wunt·
ir mīneklicher ǒgē ſchin·
ir liehtevarwer roter mvnt·
enmittē in dc h̾ze mī·
an ſchoͤn an kv́ſche vn̄ ǒch an zuht·
iſt ſi fúr ellú wib gelobet·
ir wūneb̾ndē reinē fruht·
an tvgendē niemā vberobet·
wā dc ſi an mir ſenden dobet·
Swem ich ſinge· ſwies erklinge·
ſwas ich ſage· doch trage ich klage·^{[WS 2]}

Min klage iſt dc ich ſende not·
vō der vil h̾zelieben han·
vn̄ ſi mir das noch nie enbot·
ich ſold in ir genadē ſtan·
ir rede iſt gege mir gar v̾ſwigē·
dc ſi nie waꝛt ze mir geſpꝛach·
ſvſ hat dv́ liebe mir v̾zigē·
dc iſt min klagēdeſ vngemach·
owe dc ich ſi ie geſach·
Swem ich ſinge· ſwies erklinge·
ſwas ich ſage· doch trage ich klage·^{[WS 3]}

Min klage it vngerihtet mir·
wie gv̊t gerihte· der kv́nig hat·
ob ich nv klagte das von ir·
dc ſi mich in den ſoꝛgē lat·
wer êhtet ſi danne vffē reht·
wan ſi wirt vō mir niht genant·
nv lant gerihte weſen ſleht·
es ſi dein rihter wol erkant·
ſo iſt vngerſhtes ſa zehant·
Swem ich ſinge· ſwies erklinge·
ſwas ich ſage· doch trage ich klage·^{[WS 4]}

Min klage dv́ mag wol endē ſich·
ob dv́ vil h̾zeliche wil·
ſi tv̊t gegen mir vnmīneklich·
dc iſt an ende vn̄ ane zil·
ach got wie lange ſol dc wern·
dc ſi tút vngenade an mir·
in mac ir hulde niht embern·
vn̄ han doch kleinē troſt vō ir·
ſvs hindert ſich mins herzen gir·
Swē ich ſinge· ſwies erklinge·
ſwas ich ſage· doch trage ich klage·^{[WS 5]}

Anmerkungen (Wikisource)

1. Vorlage: zuht.
2. Vorlage: Swem ich ſinge·
3. Vorlage: Swem ich ſinge·
4. Vorlage: Swem ich ⁊c̾·
5. Vorlage: Swē ich ſinge· ſwies erklinge·