Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[378r]
Dv́ minne bꝛichet dike ir recht ir guͤte·
ſi lat ir rechten dieneſtman·
vn̄ bꝛinget da bi mangē hochgemuͤte·
d̾ ir doch nicht gedienen [378v] kan·
dauō iſt ſi ſo wund̾lich·
ſi hilfet ſo gar vngelich·
ſin růchet war ſi keret ſich·
Si ſolte dem helfen der hoflich kan w̾ben·
vn̄ frowen iſt mit trúwē holt·
ſin ſolte ſtoltzen man nicht lan v̾derben·
ſo teilte ſi hoflich ir ſolt·
nv hilfet ſi mangē d̾ nit kan·
wan ſin ein vngeſalzen man·
des ſint ir doch die beſten gran·
Wan tůt ſi rechte dú v̾wâſſen mīne·
vn̄ tůt ir namen doch gelich·
ich wene ſi hab niend̾ rechte ſinne·
wan ſi ſo dike ſwechet ſich·
wan ſi ſo mangen twinget dar
da man in tůt ſo froͤiden bar·
in wirt ir helfe ǒch nicht gewar·
