Dr alt Fötzel

[109]

Dr alt Fötzel

I bin en alte Fötzel,
I säg dr, was i bi.
I ha ken Rappe Gält im Sack,
Und bi vom fülste Lumpepack.

5

Iez wäist doch, wer i bi.

Es förcht mr abem Tüfel,
Er chönnt mi hütt no neh.
Süst förcht’s mr doch mi Seel vor nüt,
As öppe vor de Herelüt,

10

Won äim de Schueh wänd geh.

Lieb isch mr nüt as ’s Sufe:
Räich Bränz und zwor bis gnue!
Mach wäidli, as i wyter cha,
Süst zündt dr d’Nase d’Chuchi a

15

Und ’s Hus und d’Schür drzue.

Witt süst no öppis wüsse?
So los, i sing dr äis!
De Bufink pfyfft mr’s underwägs,
Iez singi’s jeder Chuchihäx,

20

Und schöners git’s ekäis:

Juhu! i bin en König,
Und han i scho ke Gält!
Und wen d’mr’s mitem Frässe bräichst,
Und wen d’mr’s Bränz im Liter räichst,

25

So gfallt’s mr uf dr Wält! Juhu!