Doctor Brants Narrenschiff/Von närrischen Arzneien
« Sich unsträflich dünken | Sebastian Brant Doctor Brants Narrenschiff |
Vom Ende der Gewalt » | |||
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |||||
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).
|
[68v]
Wer artzeny sich nymet an
Vnd doch keyn bresten heylen kan
Der ist eyn guotter gouckelman
![](http://upload.wikimedia.org/wikipedia/commons/thumb/a/aa/Narrenschiff_%28Brant%29_1499_pic_0056.jpg/250px-Narrenschiff_%28Brant%29_1499_pic_0056.jpg)
Der gat wol heyn mit andern narren
Wer eym dottkrancken bsicht den harrn
Vnd spricht / wart / biß ich dir verkünd
Was ich jn mynen buechern fynd
[69r]
So fert der siech goen dottenheym /
Vil nemen artzeny sich an
Der dheyner ettwas do mit kan
Dann was das krüter buechlin lert
Die hant eyn kunst / die ist so guot
Das sie all bresten heylen duot
Vnd darff keyn vnderscheyt me han
Vnder jung / allt / kynd / frowen / man /
Eyn krut das hat solch krafft / vnd gwalt
Glych wie die salb jm Alabaster
Dar vß die scherer all jr plaster
Machent / all wunden heylen mit
Her Cucule verloßt sie nit /
Wer heylen will mit eym vngent
All trieffend ougen / rott / verblent /
Purgieren will on wasserglaß
Dem glich / ist wol eyn Aduocat
Der jnn keynr sach kan geben ratt /
Eyn bichtvatter ist wol des glich
Der nit kan vnder richten sich
Vnd gschlecht der sünden / mittels sy
Jo on vernunfft / gat vmb den bry /
Durch narren mancher würt verfuert
Der ee verdürbt / dann er das spuert /