Doctor Brants Narrenschiff/Von Haß und Neid

« Ums Geld freien	Sebastian Brant Doctor Brants Narrenschiff	Sich unsträflich dünken »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

Vergunst vnd haß / witt vmbhar gat
Man fyndt groß nyd / jn allem stat
Der nythart / der ist noch nit dot

Von nyd vnd haß

Vindtschafft vnd nyd / macht narren vil
Von den ich ouch hye sagen will /
Der doch entspringt alleyn dar von
Das du vergünst mir das ich han

5

Vnd du dir hettest gern das myn

Oder mir sunst nit hold magst syn /
Es ist nyd / eyn so to^etlich wundt
Die nyemer me würt recht gesundt
Vnd hat die eygenschafft an jr

10

Wann sie jr ettwas gantz setz für

So hat keyn ru^ow sy / tag noch nacht
Biß sie jr anschlag hat volbracht
So lieb ist jr keyn schloff noch freüd
Das sie vergeß jrs hertzen leyd

15

Dar vmb hat sie eyn bleichen mundt

Dürr / mager / sie ist wie eyn hundt
Ir ougen rott / vnd sicht nyeman
Mitt gantzen vollen ougen an
Das wart an Saul mit Dauid schyn

20

Vnd Joseph mit den bru^edern syn /

Nyd lacht nit / dann so vndergat
Das schiff / das sie ertrencket hat
Vnd wann nyd kyfflet / nagt / langzyt
So isßt sie sich / sunst anders nüt

25

Wie Ethna sich verzert alleyn

Des wart Aglauros zu^o eym stein
Was gyfft hab jn jm / nyd vnd haß
Das spu^ert man zwüschen bru^edern basß
Als Cayn / Esau / Thyesteß /

30

Jacobs su^en / vnd Ethyocles

Die tru^ogen gro^esseren nyd jn jnn
Dann weren sie nit bru^eder gesyn
Dann das geblu^et würt so entzündt
Das es vil me dann fro^embdes bryndt