Doctor Brants Narrenschiff/Von Gotteslästerung
« Von Verachtung Gottes | Sebastian Brant Doctor Brants Narrenschiff |
Von Gottes Plag und Strafe » | |||
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |||||
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).
|
[120v]
Wer laestert gott mit fluochen / schweren
Der lebt mit schand / vnd styrbt on eren
We dem / der sollchs ouch nit duot weren
![](http://upload.wikimedia.org/wikipedia/commons/thumb/8/89/Narrenschiff_%28Brant%29_1499_pic_0087.jpg/250px-Narrenschiff_%28Brant%29_1499_pic_0087.jpg)
Die groesten narren ich ouch kenn
Die ich nit weiß wie man sie nenn
Die nit benuegt an aller sünd
Vnd das sie sint des tüfels kynd
[121r]
Wie sie sygen jnn gottes hasß
Vnd haben jm gantz widerseyt
Der hebt gott syn omechtikeyt
Der ander / jm syn marter für
Wer yetz kan vngewoenlich schwuer
Die dann verbietten duont all recht
Den halt man für eyn fryschen knecht
Der muoß eyn spieß / eyn armbrust han
Vnd vß der flaeschen freüdig syn
Moertlich schwuer duot man by dem wyn
Vnd by dem spyel vmb wenig gelt
Nit wunder wer / ob gott die weltt
Oder der hymel braech dar von
So laestert / vnd geschmaecht man gott
All erberkeyt ist leyder dott
Vnd gatt mit recht / keyn straff dar noch
Dann es so oefflich yetz geschicht
Das es all weltt merckt hoert / vnd sicht
Nit wunder / ob gott selber rycht
Gott mags die leng vertragen nycht
Versteynen / der Israhelyten suen
Sennacherib / der fluochet gott
Vnd wart geplagt mit schand / vnd spot
Lycaon / vnd Mezencius