Doctor Brants Narrenschiff/Keinen Scherz verstehen
« Kein Narr sein wollen | Sebastian Brant Doctor Brants Narrenschiff |
Böses thun und nicht erwarten » | |||
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |||||
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).
|
[90v]
Wer kynd / vnd narren sich nymbt an
Der soll jr schimpf für guot ouch han
Er muoß sunst mit den narren gon
![](http://upload.wikimedia.org/wikipedia/commons/thumb/d/d8/Narrenschiff_%28Brant%29_1499_pic_0068.jpg/250px-Narrenschiff_%28Brant%29_1499_pic_0068.jpg)
Der ist eyn narr der nit verstoet
Wann er mit eynem narren redt
Der ist eyn narr der widerbilt
Vnd sich mit eynem truncknen schilt
[91r]
Vnd nitt vff nemen narren spil
Wer wil mit jaegern gon der hetz
Wer keyglen will / der selb vff setz /
Der hül / der by den wolffen ist /
Wort gend vmb wort / ist narren wiß
Guots gaendt vmb boeß / hatt hohen priß
Wer gibt das boeß vmb guotes vß
Dem kumbt boeß / nyemer vß dem huß /
Dem kumbt des glich / so ers nit meynt
Eyn wiser gern byn wysen stat
Eyn narr mit narren gern vmb gat /
Das nyemans lyden mag eyn narr
Me leid geschicht eym narren dran
Das er sicht ettlich vor jm gan
Dann er hab früd / das jm sunst all
Noch gangen / vnd zuon fuessen fall /
Eyn stoltzer wer gern herr alleyn /
Aman hatt nit so grossen glust
Das yederman jn anbett sust
Als er hatt leyd / das jn eyn man
Nitt nott das man narren vff merck
Man spuert ein narren an sym werck /
Wer wiß wolt syn (als yeder sol)
Der ging der narren muessig wol