Doctor Brants Narrenschiff/Das Schlauraffenschiff

« Vom Lohn der Weisheit	Sebastian Brant Doctor Brants Narrenschiff	Anfällen trotzen »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

Ir gesellen / kumen har noch zu^o hant
Wir faren jnn schluraffen landt
Vnd gstecken doch jm mu^or / vnd sandt

Das schluraffen schiff

Nit meyn / vnß narren syn alleyn
Wir hant noch bru^eder groß / vnd kleyn
Inn allen landen vber al
On end ist vnser narren zal

5

Wir faren vmb durch alle landt

Von Narbon jnn das schluraffen landt
Dar nach went wir gen Montflascon
Vnd jnn das landt gen Narragon
All port durch su^ochen wir / vnd gstad

10

Wir faren vmb mit grossem schad

Vnd künnen doch nit treffen wol
Den staden do man lenden sol
Vnser vmbfaren ist on end
Dann keyner weiß / wo er zu^o lend

15

Vnd hant doch keyn ru^ow tag / noch nacht

Vff wißheyt vnser keyner acht
Dar zu^o hant wir noch vil gespanen
Trabanten vil / vnd Curtisanen
Die vnserm hoff sta^ets ziehen noch

20

Kumen jnns schiff zu^om letsten doch

Vnd faren mit vns vff gewyn
On sorg / vernunfft / wißheyt / vnd synn
Du^ont wir für wor eyn so^erglich fart
Dann keyner sorgt / lu^ogt / merckt vnd wart

25

Vff Tablemaryn / vnd den compasß

Oder den vßlouff des stundglaß
Noch mynder des gestyrnes zwang
Wo hyn bootes / vrsa gang
Arcturus oder Hyades

30

Des treffen wir Sympleyades

Das vns die felsen an das schiff
Zu^o beyden sytten gent eyn büff
Vnd knützschen das so gar zu^o trymmen
Das wenig vß dem schiffbruch schwymmen

35

Wir wogen vns durch malfortun

Des kumen wir zu^o land gar kum
Durch Scyllam / Syrtim / vnd Charibd
Vnd sint gantz vß dem rechten trib
Des ist nit wunder / ob ouch wir

40

Im mer sehen vil wunder thier

Als Delphynen / vnd Syrenen
Die syngen vnß su^eß Cantylenen
Vnd machen vnß als vast entschloffen
Das vnsers zu^olend ist keyn hoffen

45

Vnd mu^essen sa^ehen vmb vnd vmb

Cyclopen mit dem ougen krumb
Dem doch Vlysses das vß stach
Das er vor wißheyt jnn nit sach
Vnd jm keyn schaden zu^o mo^echt fu^egen

50

Dann das er bro^ellen dett vnd lu^egen

Glich wie eyn ochs / dem würt eyn streich
Nit mynder der wise von jm weich
Vnd ließ jnn schrygen / grynen / weynen /
Doch warff er noch mit grossen steynen

55

Das selb oug wechßt jm wider fer

Wann er ansicht der narren ho^er
So spert ers vff / gen jnn so wytt
Das man sunst sicht jm antlyt nüt
Syn mul spatzyert zu^o beyden oren

60

Do mit verschluckt er manchen doren

Die andern die jm schon entrynnen
Der würt Antyphates doch ynnen
Mit sym volck der la^estrygonum
Die gont erst mit den narren vmb

65

Dann die sunst anders essen nüt

Dann narren fleisch zu^o aller zyt
Vnd drincken blu^ot für jrn wyn
Do würd der narren herberg syn /
Homerus hatt diß als erdacht

70

Do mit man hett vff wißheyt acht

Vnd sich nit wogt licht vff das mer
Hie mit lobt er Vlyssem ser
Der wise ra^et gab / vnd gu^ot anschlag
Die wil man streit / vnd vor Troy lag /

75

Vnd wie der zehen jor dar noch

Mit grossem glück durch all mer zoch
Do Cyrce mit jrr dranckes gwalt
Syn gsellen kert jnn thieres gstalt
Do was Vlysses also wyß

80

Das er nit nam dranck oder spyß

Biß er das falsch wyb über bo^eßt
Vnd syn gesellen all erlo^eßt
Mit eym krut das man moly heißt
Also halff jm vß mancher nott

85

Syn wißheyt / vnd vernünfftig rott

Die wile er aber ye wolt faren
Ma^echt er die leng sich nit bewaren
Im kem zu^o letst eyn wider wynd
Der jm syn schyff zerfu^ert geschwynd

90

Das jm syn gesellen all erdryncken

All ru^oder / schyff / sa^egel / versyncken
Syn wißheyt jm zu^o hülff doch kam
Das er alleyn vß nacket schwam
Vnd wust von vil vnglück zu^o sagen

95

Wart doch von sym su^on dot geschlagen

Als er klopfet an synr eygnen tu^er
Do künd wißheyt nit helffen für
Nyemans was der jn kennen künd
Im gantzen hoff / alleyn die hund

100

Vnd starb dar vmb / das man nit wolt

In kennen / als man billich solt /
Do mit kum ich vff vnser fu^or
Wir su^ochen gwyn jn dieffen mu^or
Des würt vnß bald eyn bo^ese ru^or

105

Dann vnß bricht mastboum / sa^egel / schnu^or /

Vnd künnen doch jm mer nit schwymmen
Die wa^ellen sint bo^eß vff zu^o klymmen
Wann eyner wa^ent er sitz gar hoch
So stossen sie jn zu^o boden doch

110

Der wynd der tribt sie vff vnd nyder

Das narren schiff kumbt nym her wider
Wann es recht vnder gangen ist
Dann wir hant weder synn noch lyst
Das wir vß schwymmen zu^o dem stad

115

Als dett Vlysses noch sym schad

Der me bracht nacket mit jm vß
Dann er verlor / vnd hat zu^o huß /
Wir faren vff vnfalles schlyff
Die wa^ellen schlagent übers schyff

120

Vnd na^emen vnß vil Galeoten

Es wirt an die schyfflüt ouch geroten
Vnd ouch zu^o letst / an die patron
Das schyff du^ot wüst jnn schwa^encken gon
Vnd mo^echt gar licht eyn wirbel fynden

125

Der schyff / vnd schyfflüt würd verschlynden

</noinclude>

All hilff / vnd rott hat vnß verlon
Wir werden jnn die harr vndergon
Der wynd verfu^ert vnß mit gewalt
Eyn wiß man sich do heym behalt

130

Vnd na^em by vnß eyn wißlich ler

Wog sich nit lichtlich vff das mer
Er künn dann mit den wynden stritten
Als Vlisses det / zu^o synen zytten
Vnd ob das schiff gang vnder joch

135

Das er zu^o land künn schwynnen doch

Dar vmb ertrincken narren vil
Zu^om stad der wißheyt yeder yl
Vnd na^em die ru^oder jnn die hend
Do mit er wisß / wo er hyn lend

140

Wer wiß ist / kumbt zu^o land mit fu^og

Es sint doch on das narren gnu^og
Der ist der best / der selber wol
Weißt / was man du^on vnd lossen sol
Vnd den man nit darff vnderwisen

145

Sunder die wißheyt selber du^ot brysen

Der ist ouch gu^ot / wer andere ho^ert
Vnd von jnn zucht / vnd wißheyt lert
Wer aber der keyns vber al
Kan / der ist jnn der narren zal

150

Ob der diß schiffs sich hat versumbt

So wart er biß eyn anders kumbt
Er würt gselschafft fynden geryng
Mit den er Gaudeamus sing
Oder das lied jm narren don

155

Wir hant vil bru^eder dussen gelon

Das schiff ouch würt zu^o boden gon