Disputation zweier Philosophen

[S 9, Bl.269]

71. Ein spiel mit 3 person:

Zwaier philosophi disputacio, ob peser

hayraten sey oder ledig

zw pleiben ainem weissen mann.

Minister der discipl
get ein, naigt sich vnd spricht:
NUn schweiget still vnd habet rw
Vnd ho^ert zway philosophen zw,
Wie sie da werden disputiren,
Mit scharpffen worten arguiren.

5

Solch historj ist kain gedicht,

Su^ender ain warhaftig geschicht,
Wie solichs nach wort vnde dat
Plutarchu^es auch peschrieben hat.
Solon der thu^eet den estant preisen,

10

Dargegen thu^eet Thales peweisen,

Das aim gelerten manne sey
Vil pesser gancz ledig vnd frey,
Ser fu^eerderlich zv dem studirn,
Vnd thu^eet das durch vil weg probirn.

15

Jdoch sie paid nichs entlichs schliessen,

Sunder ain andern tag erkiessen,
Von der materj mer zv reden,
Da wert von andern vnd in peden [Bl. 269’]
Aus ir aller experiencz

20

Von in ausgsprochen der sentencz.

Der disippel get ab.
  
Thales, der weis,
get ein, tregt ein sphera celi, seczt sich vnd spricht:
Ich wil hie sehen lawter clar,
Ob dieses zwku^enftige jar
Werd glu^eecklich vnd auch fruchtpar werden
Von allerley fru^eechten auf erden,

25

Der vor aim jar ist vil zerunen;

Ob auch ein finsternu^es der sunen
Ku^emb dieses jar, das alle frist
Vnfru^echtparkait an zaigen ist,
Der glaich ander vnglu^eeck im lant.

30

Solch ku^enst sint mir all wol pekant,

Die ich in Egipten vor jarn
Pey den gelerten hab erfarn.

Minister der disippl
ku^empt, naigt sich vnd spricht:
Philosophe vnd herre mein,
Es pegeret zw dir herein

35

Ein herlich man an hinternu^es,

Peclaid wie ein philosophu^es,
Der wil ein gsprech halten mit dir.

Thales, der weis:
Ja, ge, las in herein zw mir.
Wer ist er? Sag, kenstw in nicht?

Minister spricht:

40

Nain; mich trieg aber mein gesicht,

So ist er ain hochweisser mon.

Thales, der weis:
Nu^en so las in hereine gen.
Die weil er ist an jaren alt [Bl. 270]
Vnd ainer erber gu^eeten gstalt,

45

So wo^ellen wir zwischen vns peden

Von der philosophia reden.
Minister get ab.

Thales spricht zw im selb:
Wer man nu^er dieser weis man sein,

Welcher pegert zv mir herein?
Es felt mir gleich ein, wie wen der

50

Solon, der philosophu^es, wer,

Von dem man sagt, er hab vu^erwar
Vrlob gnu^emen auf etlich jar
Zw Athen von aim rat auf trawen,
Das er die lender mu^eeg peschawen

55

Vnd haimsu^eechen die weissen mender

Heru^emb durch alle morgenlender.
Ich glau^eb fu^eerwar, das ers werd sein,
Es antet gwis das herze mein;
Ich wil in herczen geren sehen.

60

Ich ho^er im groses lobe jehen,

Wie er der stat Athen zv lecz
Peschrieben hab ser gu^eete gsecz,
Su^enst auch vil guettes hab gethon.
Da ku^empt geleich der dewer mon.

Solon get ein; Thales get im entgegen, pewt im die hant.
Solon spricht:

65

Thales, dw aller weister mon,

Von herzen ich pegerte hon,
Zw sehen dich vu^er alle ander
Philosophi gar mit einander,
Weil die von dem got Apolo

70

Als dem weisesten man also [Bl. 270’]

Zw gschicket ist der gu^eelden disch.
Der halben ist gancz himelisch
Dein weisheit, weil dw hast gancz clar
Au^estailt in zwo^elff monat das jar,

75

In zwo vnd funfzig wochen gsu^endert,

Welche doch halten gleich drey hu^endert
Vnd darzw fu^enff vnd sechzig tag.
Pey der vnd ander ku^enst man mag
Spu^eeren dein weisheit vberflu^eessig.

80

Ich pit, wo^elst nit sein vbertru^eessig,

Das ich haimsu^eech die weisheit dein.

Thales, der weis, spricht:
Dein zwku^enft die erfrewet mein

Hercz hoch vnd trefflich vberau^es,
Das dw mich selb suechest zv hau^es,

85

Mein auserwelt vnd lieber gast,

Wie wol dw schlechte herberg hast;
Wan ich leb in meim haus gar schlecht
Allain mit dem ainigen knecht
Vnd geleb gar geringer speis.

90

Derhalb pit ich mit hochstem fleis,

Mein Solon, wo^elst haben vergu^eet.

Solon, der weis:
Mein Thales, sag mir doch in gu^eet,
Hastw den kain weib zw der e?
Oder ist dir in kranckheit we

95

Ku^eerczlich dein gmahel gangen ab?

Thales, der weis:
Mein lieber Solon, wis, ich hab
Mein lebenlang kein weib nie ghabt,
Weil mich die natu^er hat pegabt,
Kain pegier zw den frawen geben.

Solon: spricht:

100

Ey, wie fu^eerst so ain elent leben!

We dem, der also ainsam ist,
Auf im selb siczet alle frist. [Bl. 271]
Ein weib der eren tregt ein kron,
Die thu^eet erfrewen iren mon;

105

Mit holtseligem schimpf vnd schercz

Erqu^eicket sie sein trawrig hercz,
Ist sein gehu^eelff an allen orten,
Mit senften vnd dro^estlichen worten
Dro^est sie in ein aller anfechtung,

110

In angst, verfolgung vnd durchechtung

Stet sie im pey in aller not.
Dein leben ist ain halber dot,
Die weil dw lebest an ain weib.

Thales, der weis:
Mein Solon, wis, das ich vertreib

115

Die maist zeit mit philosophirn,

Auch mit dem ainflus der gestirn
Vnd ausmessung dem ertereich,
Vnd ander ku^ensten der geleich;
An solchem wu^erd das weib mich irrn,

120

Zersto^eren mein imaginirn,

Weil Plato sagt: ein weib all frist
Ein vnru^eiges u^eebel ist,
Ist albeg klagpar vnd geschweczig,
Arglistig, mistrew vnd auf seczig,

125

Eyferig, selczam, wanckelmu^eetig,

Auch zenckisch, zornig vnd gancz wu^eetig,
Wen man nach irem sin nit thu^eet.
Dru^emb hat mich angsehen fu^eer gu^eet,
Mich an ein efrawen zw pleiben,

130

Mein zeit in rw hie zw vertreiben,

Weil ich ir wol geraten kon.

Solon, der weis:
O mein Thales, ein fru^emer mon
Kan im ain fru^emes weib wol zihen.
Dru^emb sint die weiber nit zv fliehen; [Bl. 271’]

135

Manch fru^emes piderweib man fint.

Thales, der weis:
Der posen doch am maisten sint.
Daru^emb ziech weiber, wer da wo^el.

Solon, der weis:
Ein weis man ain weib haben so^el
Von wegen des kinder gepern,

140

Darfon die gschlecht erhalten wern;

Auch die eltern erlangen ob
Iren kinden er, preis vnd lob.
Weil dw aber an weib vnd kinder
Lebst, so wirt deines lobs auch minder;

145

Wan was dein weisheit lobs erwirbt,

Mit deinem dot es als abstirbt,
Weil dw kain su^en hast von deim stamen,
Der nach dir erlewcht deinen namen.
Hest abr ein weib, geperst mit ir

150

Ein su^en, in weisheit enlich dir,

Der dein pildnu^es hie tru^eeg auf erden,
Durch den mo^echt dein gedechtnu^es werden
Langwirdig, ruechtpar vnd ganz lo^eblich.

Thales, der weis:
Solon, in diesem felstw gro^eblich,

155

Weil kinder selten wolgeraten,

Su^ender mit laster vnd vndaten
Ziehen sie oft zv schant vnd spot
Den eltern tru^eebsal, angst vnd not,
Das sie sich ir den mu^eesen schemen.

Solon, der weis:

160

Aus dein worten thw ich vernemen,

Dw waist von kainer kinder zuecht.
Mainst nicht, es zihen ire fruecht
Die eltern auf thuegent vnd er?

Thales, der weis:
O, sie sind darin sau^emig ser,

165

Weil sie oft selb vnzogen sind. [Bl. 272]

Solon, der weis:
Die eltern zihen ire kind
Durch natu^erlich einpflanzte lieb,
Die sie zewcht mit aim starcken trieb.
Von kinder lieb waist nit zv sagen,

170

Die weil vnd dw pey all dein dagen

Hast gehabt weder weib noch kind,
Die so lieb vnd so angnem sind,
Ein gewu^erzelt der eltern mu^eet
Vber all er vnd zeitlich gu^eet,

175

Das solch lieb nit ist auszwsprechen.

Thales, der weis, spricht:
Mein Solon, darpey kan ich rechen,
Das aus solcher lieb zv den kinden
Die elteren oft gar erplinden,
Den kinden alln mu^etwillen lassen,

180

In als verhengen solcher massen,

Das sie den iren jamer sehen,
Wie ich den vormals auch hab jehen,
Weil sis an alle straff aufzihen.
Des thw ich weib vnd kinder flihen,

185

Der kinder lieb mich nit anficht.

Solon, der weis:
Mein Thales, so hastw auch nicht
Von kinden frewd vnd irem schercz,
Welches erfrewt der eltern hercz
Ob allem schercz vnd frewden spiel.

Thales, der weis:

190

Ir frewd ich geren ghraten wil,

Weil sie ist kindisch vnd vergencklich.
Dargegen gros vnd vberschwencklich
Ist vnrwe vnd mu^eeseligkeit, [Bl. 272’]
Sorg, angst pey kinden alle zeit

195

Sambt groser gfar, die in zw stet,

Das gar selten ain tag verget,
Der nit schrecken vnd angst gepirt.
Aus dem gar leicht ermessen wirt,
Das laid die freud weit vberwiget.

200

Mein ho^echste frewd mir aber lieget

An ku^ensten vnd an der weisheit,
Welcher ich pas zv aller zeit
Aus warten kan an dieser stet,
Den so ich weib vnd kinder het,

205

Welche mich nu^er hinterten tron.

Solon, der weis:
Wen idermon also wolt ton,
Wie dw, so zerging menschlich gschlecht.

Thales, der weis:
Ja, mein Solon, dw sagest recht;
Ir sint su^enst gnu^eeg, so die welt meren,

210

Henck ich an gu^eeter ku^enst vnd leren

Vnd ge gleich mu^esig weib vnd kind,
Die doch gros herczlaid pringen sind,
Mainstw nicht, dein su^en mit der zeit
Wert dir noch pringen herzenleit,

215

Des dw mainst haben freud vnd er?

Solon, der weis:
O, mein Thales, gar nimer mer,
Die weil mein su^en ist plu^eender ju^egent,
Ein spiegel vol weisheit vnd thu^eegent,
Wie ku^end der pelaidigen mich?

Thales spricht:

220

Ich wil noch daran monen dich,

E den vergent zwen ganczer tag,
Das ich dir hie die warheit sag.

Der minister ku^embt, spricht:
Ir herrn, es ist hoch mitags zeit. [Bl. 273]
Ku^embt rein, das essen ist pereit.
Sie gent alle aus.

Minister
get wider ein vnd ret mit im selb:

225

Dieses sint zwen die weisten mender,

So icz durch alle morgenlender
Haben den aller hochsten ru^emb,
Sint doch nit aines sins daru^emb.
Wil ich gern ho^ern in irem krieg,

230

Welcher noch phalten wirt den sieg.

Thales, der weis,
ku^empt, dregt mantel, huet, pu^elgen vnd stab, spricht:
Minister, so nem den walstab,
Die pu^eelgen, hu^eet vnd mantel grab,
Thw den zv vns paiden eingen,
Sag vns, dw ku^emest von Athen,

235

Pring mir den prieff vnd sag darpey,

Wie ain ju^engling gestorben sey,
Sam sey er gwest Solonis su^en.
Wirst im wol wissen recht zv thu^en
Mit allen listigen vmb stenden,

240

Wirst vnerkant die sach volenden.

Minister
nempt die ru^eestung, spricht:
Ja, herr, ich wil mich legen on,
Gleich eim walprueder einher gon
Vnd dein fu^erschlag in allen dingen
Gancz vnerkant zv ende pringen.
Der minister get ab.

Thales, der weis, spricht:

245

Mu^es schawen, ob ich Solonem

Durch list ku^ent obliegen in dem,
So ich in mo^echt ob seinem su^en
Cleglich ku^ent machen trawren thu^en,
Darmit ich all sein argu^ement

250

Gewalticlich vmbstosen kent, [Bl. 273’]

Das pesser wer leben on e,
Weil darfon kem gros angst vnd we.

Solon, der weis, get ein, spricht:
O Thales, ich hab in deim hau^es
Pesichtigt alle gmach du^erchau^es,

255

Hab auch peschawt dein lieberey

Vnd dacht, wie imer schad es sey,
Das dw nit haben solt ain su^en,
Der deinen schacz sol erben thu^en,
Edler den golt vnd edel gstein,

260

Der nu^en ku^empt von dem stamen dein

Etwan eim fremden in sein hant,
Dir vormals genczlich vnpekant.

Thales, der weis:
Das stet als in der go^etter hent,
Wem sie nach meines lebens ent

265

Solichen schacz du^en vbergeben.

Weil ich in nu^er hab in dem leben,
So frag ich gar nit mer darnach,
Wer in nach meinem dot entpfach.

Minister
get ein wie ein walprueder, pringt den prieff, spricht:
Wont Thales, der weis, in dem haws?

Thales, der weis, spricht:

270

Ja, was hast im zv richten aus?

Der waltpru^eeder:
Eillent ich her von Athen lieff
Vnd pring dir, herr, diesen sentprieff,
Den dir sendet Chilon, der weis,
Entpewt dir auch sein grues mit fleis.

Thales nempt den prieff, pricht in auf, list in haimlich.

Solon spricht:

275

Waltprueder, sag, wen thest ausgen

Aus der kriechischen stat Athen?

Der waltprueder spricht: [Bl. 274]
Es ist gleich heu^et der achte tag.

Solon, der weis:
Was ist icz zv Athen die sag?
Hat die stat iczu^end gu^eeten fried?

Der waltpru^eeder:

280

Ja, hort am tag, als ich abschied,

Da war ein ju^engeling vertorben,
An ainer gechen kranckheit gstorben,
Als man die leich gen kirchen tru^eeg,
Schueler vnd priester vorher zu^eeg

285

In ainer procesion schon

Man hort auch aller glocken tho^en.
Nach der par ging der gancz senat
Vnd fast all pu^erger in der stat,
Das ich hab geho^ert all mein tag

290

Ob kaim doten kain groser clag:

Es waint vmb in frawen vnd mon.

Solon, der weis, spricht:
Dw mein waltpruder, sag mir on,
Kanst mir nit ansagen gewis,
Wie dieses ju^englings vater hies,

295

Ob ich mo^echt seinen namen kennen.

Der waltpru^eeder:
Ich hab in zwar wol ho^eren nennen,
Ist mir seit her gefallen ab.
Wol ich vom volck geho^eret hab,
Sein vater sey ein weiser mon,

300

Hab der stat ser vil gu^eetes thon

Mit gueter ler vnd weisem rat;
Darumb Athen, die gancze stat,
Thu^eet im ser groses lob nach sagen;
Ho^ert auch, wie er in jar vnd tagen

305

Nie zv Athen gewessen sey.

Solon, der weis, spricht: [Bl. 274’]
Mein waltpru^eeder, sag mir darpey,
Wen dw denselben mon horst nennen,
Mainst, dw ku^enst seinen namen kennen?

Waltprueder spricht:
Ja, wen man mich monet daron.

Solon, der weis spricht:

310

Sag, nent man sein vater Solon?

Der waltpru^eeder:
Ja warlich, er haist gleich also!

Solon
schlecht sein hent ob dem kopff zvsam, waint vnd schreit:
O zetter! waffen! mo^erdio!
Ist mein herczlieber su^en verschieden
Vnd hat den grimen dot erlieden!

315

Mit im ist all mein drost da hin,

Der elentst man auf erd ich pin.
O, ir go^etter, was zeicht ir mich,
Das ir mich plagt so piterlich?
Nu^en vertrewst mich auf ert meins lebens.

Thales, der weis:

320

Hor auf, dein clag ist doch vergebens;

Clag pringt nit wider seinen gaist.

Solon spricht:
Derhalb clag ich auch aller maist,
Das vergebens ist all mein clag.

Thales spricht:
Mainstw doch an dem fordern tag,

325

Dw mo^echst durch deinen su^en auf erden

In kaim weg mer petru^eebet werden.
Meinst nicht, dein iezig trawrikeit
Vbertreff die freu^ed allerzeit,
Die dw ie hest mit deinem su^en?

Solon, der weis:

330

Ja, das mu^es ich pekennen thu^en. [Bl. 275]

Thales, der weis, spricht:
Mein Solon, iczu^end glawbstw mir,
Das nu^eezer wer gewessen dir,
Dw werst nie ku^emen in die ee,
So hest icz nit so herczlich we

335

Vnd derfst auch nit trawren daru^emb!?

Solon, der weis:
Dw sagst war. O, mein su^en war fru^emb,
Solt er mich den nit herczlich dawren?

Thales, der weis:
Mein Solon, was thu^estw den trauren,
Weil er war fru^emb in seinem leben,

340

Mit weisheit vnd tu^eegent vmbgeben?

Nu^en wont er an der go^etter schar.
Wie wu^erstw sein so trawrig gar?
Wen dw hest ain poshaften su^en,
Der auf erd nie kain guet het thu^en,

345

Des dw dich mu^est dein lebtag schemen,

Vmb in haimlich fressen vnd gremen,
Auch nach seim dot sein arme sel
Zumb dewffel fu^er hinab die hel,
Der su^en wer zw petrauren schwerlicher.

Solon, der weis:

350

O ja, das selb wer noch geferlicher.

O mein Thales, wie sol ich thu^en?
Ich hab verloren meinen su^en,
Auf dem mein drost vnd hoffnu^eng ston.

Thales, der weis:
Mein auserwelter freu^ent Solon,

355

Las ab dein clag; auf diese stu^end

Lebt dein su^en, ist frisch vnd gesu^end.
Ich hab dis spil dir zv gericht,
Das dw mir ku^endest laugnen nicht,
Was angst, vnru^ee, vnfal vnd sorgen

360

Sey in dem eling stant verporgen. [Bl. 275’]

Kein stete rue nimer drin wirt,
Ein crewcz stet das ander gepirt
Icz an dem weib, den an den kinden,
Wie dw icz aines thest entpfinden,

365

Welchs creu^ecz im eling stant peclebt.

Die weil man hie auf erden lebt,
Ist vil mer laids den freu^ed darin.
Des ich alles entladen pin,
Weil ich hab weder kind noch weib,

370

Su^ender allain mein aigen leib,

Den ich von anfang meiner ju^egent
Hab gwent auf weisheit, sittn vnd du^egent.
Darin ich geru^eecklichen leb
Vnd allen lastern wider streb.

375

Solich lo^ebliche duegent scho^en

Das sint mein dochter vnd mein su^en
Sambt meinen pu^eechern, die nit sterben;
Darmit so kan ich mir erwerben
Ein vndotlichen ru^emb vnd er.

380

Jdoch so wol wir morgen mer

Von dieser materia reden
Vnd nit allain zwischen vns peden,
Su^ender ich wil aus gu^enst vnd gnaden
Mer philosophy zv vns laden

385

Vnd die lasen darin entschaiden,

Wer noch recht hab vnter vns paiden.
Icz wollen wir nein auf den sal
Mit freuden nemen das nachtmal.
Sie gent alle ab.

Der minister ku^empt vnd peschlewst:
Ir herrn, ku^embt morgen wider her,

390

Ho^ert, wie man den sentenz erqler;

Wan ich hab aigentlich vernu^emen, [Bl. 276]
Es wern mer philosophi ku^emen,
Verhoren die zwen weissen mon
In irer disputacion

395

Vnd ein entlich vrtail peschliesen.

Welcher der paider wirt verliesen,
Zw straff wirt gebn ain aimer wein.
Pey dem da woll wir fro^elich sein,
Das freu^ed im eling stant erwachs,

400

Das wunschet vns allen Hans Sachs.

Die person in das spil:

Thales, der miletisch philosophus	1
Solon, der athenisch philosophus	2
Minister, ein disippel Thaletis	3

Anno salutis 1555,

am 27 tag Septembris.

400 vers.

Editionsrichtlinien

Editionsrichtlinien:

• Als Grundlage dienen die Wikisource:Editionsrichtlinien.

• „ſ“ wurden zu „s“ transkribiert.
• In der Vorlage in Fraktur gesetzter Text wurde normal, in Antiqua gesetzter Text wurde kursiv gestellt.
• Bühnenanweisungen werden in Kleintext wiedergegeben.

---

Alle redaktionellen Texte dieses Projektes stehen unter der Lizenz CC-BY-SA 2.0 Deutschland