Der walt mit loube stât

[56]

L 12

W-F: SL
Nr. 18
H: 20,38IR 56,1     C 276     c 71,1 u. 6

„Der walt mit loube stât“,
     sprach ein meit, „ez mac wol mîner sorgen werden rât.

H: 21,1     bringt mir mîn liehte wât!
der von Riuwental uns niuwiu liet gesungen hât.

5

ich hoer in dort singen vor den kinden.

     jâne wil ich nimmer des erwinden,
     ich springe an sîner hende zuo der linden.“

IIR 56,2     C 277     c 71,2

Diu muoter rief ir nâch;
     sî sprach: „tohter, volge mir, niht lâ dir wesen gâch!

weistû, wie geschach
     dîner spilen Jiuten vert, alsam ir eide jach?

5

der wuohs von sînem reien ûf ir wempel,

     und gewan ein kint, daz hiez sie lempel.
     alsô lêrte er sî den gimpelgempel.“

[58]

IIIR 56,3     C 278     c 71,3

„Muoter, lât iz sîn!
     er sante mir ein rôsenschapel, daz het liehten schîn,

ûf daz houbet mîn,
     und zwêne rôte golzen brâhte er her mir über Rîn;

5

die trag ich noch hiwer an mînem beine.

     wes er mich bat, daz weiz niwan ich eine.
     jâ volge ich iuwer raete harte kleine.“

IVR 56,4     C 279     c 71,5

H: 21,20Der muoter der wart leit,
     daz diu tohter niht enhôrte, daz si ir vor geseit.

iz sprach diu stolze meit:
     „ich hân im gelobt; des hât er mîne sicherheit.

5

waz verliuse ich dâ mit mîner êren?

     jâne wil ich nimmer widerkêren,
     er muoz mich sîne geile sprünge lêren.“

VR 56,5     c 71,4

Diu muoter sprach: „wol hin!
     verstû übel oder wol, sich, daz ist dîn gewin.

dû hâst niht guoten sin.
     wil dû mit im gein Riuwental, dâ bringet er dich hin.

5

alsô kan sîn treiros dich verkoufen.

     er beginnt dich slahen, stôzen, roufen
     und müezen doch zwô wiegen bî dir loufen.“