in curte, que dicitur Gurtzenigehof, iure hereditario habebant, vel sibi comparaverant, aut ad manus eorum effestucatum fuerat, ita quod sine omni contradictione obtinebunt.
3. Notum sit tam futuris quam presentibus, quod Johannes de Patberch partem suam curtis, que dicitur Gurcenigerhof, que ad ipsum hereditario iure devoluta est, per sentenciam scabinorum in figura iudicii ita obtinuit, quod iure et sine omni contradictione liberam quocumque voluerit divertendi habebit potestatem.
4. Notum sit tam futuris quam presentibus, quod Theodericus, filius Hartmanni Gyr, et uxor eius Elisabeth comparaverunt sibi erga Johannem de Patberg partem suam curtis, que dicitur Gurcenigerhof, ubicumque eum hereditarie in particione attingebat, ita quod iure et sine omni contradictione obtinebunt. Et sciendum, quod Agnes, uxor Wilhelmi burgravii de Nitecgin, usumfructum, quem habebat in parte sua curtis, que dicitur Gurcenigerhof, ad ipsam hereditarie devoluta, ad manus Theoderici Gir et uxoris sue Elisabeth penitus effestucavit et Adolfus, filius dicte Agnetis, proprietatem suam, que ad ipsum hereditarie devoluta est in curti, que dicitur Gurcenigerhof, ad manus Theoderici Gir et uxoris sue Elisabeth similiter effestucavit et Wilhelmus de Herimanshoven et uxor eius Agnes, quicquid de curte, que dicitur Gurcenigerhof, iure hereditario ad ipsos devolutum fuit, ad manus predicti Theoderici et Elisabeth penitus effestucaverunt.
5. Notum sit tam futuris quam presentibus, quod Herimannus Kune Bunnensis et uxor eius … duas domunculas de quatuor, que opposite sunt domui Gerardi vasbendirs versus Maltzbuchel, per sententiam scabinorum ita obtinuit, quod iure et sine contradictione quocumque voluerit liberam divertendi habebit potestatem, ea conditione, quod annuatim duo solidi hospitali sancte Katerine sine contradictione annuatim solventur. Preterea sciendum, quod Theodericus Gyr et uxor eius Elisabeth decem solidos reddituum in eisdem duabus domunculis hereditarie annuatim ipsis solvendos erga Hermannum Kune de Bunna et uxorem eius … sibi comparaverunt, ita quod iure sine contradictione obtinebunt. Actum anno domini mccxxxiii.
6. Notum sit tam futuris quam presentibus, quod Adam, filius Agnetis, uxoris Wilhelmi burgravii de Nideggin, super his, que ad ipsum de curte, que dicitur Gurcenigerhof, hereditarie devoluta fuerunt, ad manus Theoderici Gir et uxoris sue Elisabeth penitus effestucavit. Actum anno domini mccxxxiiii.
7. Notum sit tam futuris quam presentibus, quod Ludolfus de Monasterio et uxor eius Helsvindis, soror Arnoldi de Vrechene, super hiis, que ad ipsos de curte, que dicitur Gurcenichirhouf, hereditario iure devoluta fuerunt, ad manus Theoderici Gir et uxoris sue Elisabeth effestucaverunt.
8. Notum sit tam futuris quam presentibus, quod Theodericus Gyr et uxor eius Elisabeth comparaverunt sibi duas domos contiguas domui mansionis sue, que dicitur Gurciherhouf, versus sanctam Mariam in Maltzbuchele erga Henricum Kunen de Bunna et uxorem eius Beatricem et quicquid ipsi iuris habebant in curte, que dicitur Gurceniherhouf, in Colonia sita, ita quod iure et sine omni contradictione obtinebunt. (Actum anno domini mccxxxix.)
Johann Jakob Merlo: Haus Gürzenich zu Köln, sein Saal und dessen Feste. Selbstverlag des Verfassers, Köln 1885, Seite 68. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Merlo_-_Haus_G%C3%BCrzenich_zu_K%C3%B6ln_-_68.jpg&oldid=- (Version vom 1.8.2018)
