des hab von mir vnd och von allen gv̊ten wiben danc.
din lose minneclich gesanc.
noch din langes minne clagen
mac mir in ir benahten niht noch betagen.
die ich gv̊ten wiben leisten sol.
die gevallent mir so wol.
dc ich (so) in arger dinge nieman giht.
mir ensi da von reht alse ich si in min herze wunt
so tv̊n ich dir doch niemer kvnt
alle mines herzen ahte
vur ellv͛ wip min ich dich tag vnd naht. ◒◒◒◒
vnd gihest dv habest geminnet mich.
des soltv gelovben dich
obe dv mich da mitte bekrenken wilt.
minne waz dc noch si dc[1] soltv mich bewisen baz
in trage dir weder liep. noch haz
och so weiz ich waz dv iagest
oder wie dv benahtes oder wie dv betagest.
alse ich ez an der welte bevunden han.
liep ane allen valschen wan
swa div wirt von zweier herzen gir.
also dc ein man minne ein wip. vor allen wiben gar
vnd dc si denne gliche var.
vnd obe dc niht minne ensi
so giste mir naht noch tage vroide bi.
von der manne vnstete manic wip.
e dc mir den min lip.
alsvs an gewunne ir valscher list
ê verspreche ich die minne vnd were si noch zwirc[2] so gv̊t
dar an so wende ich niht den mv̊t
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 284. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_284.png&oldid=- (Version vom 7.1.2019)