dc ich stetecliche miner eren pflege
des sit iemer geret
wol och mich dc ir mir wiser rehte weget
ir hant wol geraten mir
swer alse rehte raten kan dvr des rat ich gerne vnvůge enbir.
swaz ich singe vnd och gesage dast ane wer.
sold doch ich vch leren
ich beswung vch so mit miner rv̊ten ber.
dc ir hortent mine clage.
die ich nv lange han geclaget vf wiplich gv̊te mine tage.
wie ir willen[3] woltent also wolt och ich.
sol man kint stillen
doch versten[4] nv alrest rehte mich.
ich bin selcher rv̊te vri.
des lobe ich got dc ez so ste dc ich noch min selber frowe si.
hant die meisterschaft vil gar an vch geleit.
dc mich min gemv̊te
dar noch dar wan dar so striteclichen treit.
dc ich han den strit verlan
tv̊t ir mir svz tv̊t ir mir so. dc heiz ich doch alles wol getan. ◒◒◒
dc wizzet nieman wiser mir.
sit ich ir kv͛nde alrest gewan
so hat ich hohen mv̊t von ir.
nv bitte ich alle die mir gv̊tes gv͛nnen alder eren.
dc si mir heiles wu͛nschen zir
vnd ir ir dinc dvr mich ze gv̊te keren.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 183. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_183.png&oldid=- (Version vom 7.1.2019)