der mit vreide entsliezen sol.
wolte si sich vnder winden
dc kvnt ir gnade wol
dv͛ mich eret vnd vneret.
dv͛ mich heilet ob si wil vnd och verseret.
so dc ich die herzeclichen swere vnendelichen dol.
han wir eren han wir gv̊t.
wan si hœhent manic gemv̊te
dc doch niemir hohgemv̊t.
an ir werden trost geschehe
ist daz trœsten mich von vngelvche vnnehe
sost doch war dc niht so dicke liep nach herzeleide tv̊t.
vnd an vreiden gar verzagit.
wan dc ich dv͛ wunder gv̊tes
an ir weiz swie si versagit.
dc si mich wol ze einer stvnde
von der langen vnd der leiden swer enbvnde
in der ich vf gv̊te gedinge dicke an sorgen bi[1] betaget.
wunnent niht ze rehte sich.
noch die vogel in ir kvnne
noch die lv͛te dvnket mich
nv waz sol ich danne singen
obe ich gerne singen wil.
sit vnvůge wil vurdringen
allv͛ vreidehaften spil.
waz bi nv͛wen ziten wert
dc wil wetlich wider swachen
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 169. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_169.png&oldid=- (Version vom 7.1.2019)