nv wes sol man vch gewern.
dc ir sprechent dc vch swere si benomen.
des kan ich vch wol gewisen. nempt ir mich zerate.
verdenke ich mich alse ich doch sol. so volge ich vch des rates spate.
vch so cleine wiget waz tv̊t mir anders we.
zvrnent ir obe ich versage.
dc mir nien enkv͛met so wirt des zornes me.
sit nv zorn niht frvmet so svͤne ich gerne vf vwer gv̊te
ich han gesworn dc ich vor loser manne tvkke mich behv͛te.
ich han vch gedienet ane valschen wanc.
wer ez war dc vwer mvnt.
gegen mir sprichet des sage ich vch gerne danc.
hvlf ez iht ich swuͤre vch daz ich niht kan. wan die riht.
so svlt ir niht verkvnnen vch dar vmbe gv̊ter zv̊versiht.
der vrage mich ich kan ims wol bescheiden.
mir hant dv͛ wip vil gar verzigen.
dc mir dvr not daz singen mv̊z erleiden.
si ieman nv der sanges ger.
[2] dc mich noch dv͛ liebe sv̊ze wer.
des ich zir gv̊te han gegert.
so singe ich vro. vnd mache ir hohen wirde wert.
wil dc dv͛ gv̊te mit ir gv̊te wenden.
so si dir trvren wider seit
wer mac mit senfte vnsenfte not verenden
min herze waz vil nach verzagit.
da von daz mir so dicke sere wart versagit.
nv laz eth ez sin wenken sin.
ez wanke hin ez wanke her sist wider in.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 165. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_165.png&oldid=- (Version vom 7.1.2019)