waz[1] aber ieman zeschowen dc an ir.
der ich leben sol
vnd an ir ist min winne behalden
wa enwil ich niemer des eralten
swenne ich si sihe mir si von herzen wol.
so enweiz ich wie dv͛ liebe (Bl. 14b) heizen sol.
liebe won[2] mir dicke in minen sinen
liep hat ich gerne leides enbere ich wol.
liebe dv͛ git mir
hohen mv̊t darzv̊ vreude vnd wunne.
so enweiz ich waz dv͛ leide kvnne.
wan dc ich iemer trv͛ren mv̊z von ir.
vrevde wc ein wip
der ich minen lip
gab zedienste iemer me.
dc hohste vnd och dc herste
an dem herzen min
seht dc mv̊z si sin
der ich selten vro gesten.[3]
ir tv̊t leider we.
beide min sprechen vnd min singen.
des mv̊z ich an vrevden mich nv twingen
vnd trvren swar ich ge.
wol so swig[5] ich ir
nv verbot si mir
wan ir tv̊t min swigen baz
nv giht si ich si zelange (so)
konde ich danne me
ich svnge aber alse.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 158. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_158.png&oldid=- (Version vom 7.1.2019)