mac si danne rechen sich
vnd tv̊ des ich si bitte so vrevt si so sere mich.
dc min lip vor wunnen mv̊z zergen.
frowe vnd herer danne ich selbe si.
hei wan mv̊ste ich ir also gewaltic sin.
dc mir mir[1] mit triwen were bi.
ganzer tage dri
vnd etesliche nach.[2]
so verlv͛r ich niht den lip vnd al die maht
ia ist si leider vor mir al ze vri.
same dc vuͤr den dvrren zvnder tv̊t
vnd ir fremeden crenken[3] mir dc herze min.
same dc wazzer die vil heize glv̊t.
vnd ir hoher mv̊t
vnd ir schone vnd ir werdecheit.
vnd dc wunder dc man von ir tv͛genden seit.
dc wirt mir vil vbel oder lihte gv̊t.
dc si mir al dvr min herze sehent[4]
swer da entzwischen danne get vnd irret mich
dem mv̊ze al sin wunne gar zergen.
ich mv̊z vor ir sten.
vnd waren[5] der vrevden min.
rehte also des tages dv͛ cleinen vogellin
wenne sol mir iemer liep geschen.
wie solte ich danne iemer mere rehte werden vro.
sine getrv̊rte nie swaz mir geschach.
clage[6] ich ir min iamer so stvnt ir dc herze hoh.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 156. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_156.png&oldid=- (Version vom 7.1.2019)