vnd alle ein ander melden
seht diepstal diebe
dro tet liebe.
mir wandeln ober wolte
minen dienst laz ich alles varn.
niewan min lop alleine
deich in mit lobe iht meine.
dc kan ich schone wol bewarn
lobe ich in so lobe er mich
des andern alles des wil ich
in minneclich erlazet (so)
sin lop daz mv̊z och mir gezemen
oder ich wil mines herwider nemen
zehove vnd ander straze
so ist nv gnv̊g
gewarte (so) siner vůge.
gevůget menic mere
baz danne er nv gedenke min
waz sol dv͛ rede beschoͤnet
mohte ich in haben gecrœnet
dv͛ crone were hvͤte sin.
het er mir do gelonet baz
ich dient ime aber ettezwas
noch kan ich schaden vertriben
er ist aber so vůge niht.
dc er mir biete wandels reht[1]
da lazen wirs beliben.
waz vil verdirbet
des man niht enwirbet.
nv mv̊z ich singen aber alse ê.
dar zv̊ habent mich gv̊te lv͛te braht
- ↑ So, lies iht.
Anmerkungen (Wikisource)
- ↑ Vorlage: Der.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 143. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_143.png&oldid=- (Version vom 7.1.2019)