si sehent mich bi in gerne. also tv̊n ich si.
dv wunschest vnder wilent bidder manne dv enweist niht wie.
wunsches dv mir[1] von in so tv̊st dv mir leide.
vil selic si der walt darzv̊ div heide.
dv͛ mv̊ze dir vil wol gezemen. wie hast dv nv getan.
sit ich dir an din gemach gewunschet han.
vnd dv mir[1] an min vngemach. la stan
wis dv von in la mich bi in so leben wir sanfte beide.
manin[2] stet ez wol[3] ez ist zewich vnd ofte hœne.
kv͛ne vnd milte. vnd dc er darzv̊ stete si.
so ist vil gar gelobet. den zwein stet wol dc dritte bi.
wil ez vch niht. versmehen so wil ich ez vch leren
wie mir[4] loben svln vnd niht vneren.
ir mv̊zet in die lv͛te sehen. welt ir. irkennen wol.
nieman vzzen nach der varwe loben sol
vil menic tore ist innen tv͛gende vol.
we wie wiz der biderben herzen sint der si wil vmbe keren. ◒◒◒◒◒◒◒◒◒◒◒[WS 1]
sit ich von dir beide wort han. vnd wise.
wie getar ich so gevreveln vnder dime rise.
ich entv̊n div rehten werc. ich enhan der waren minne
ze minem ebencristen herre noch zv̊ dir.
so holt enwart ich ir dekeinem nie[5]
frone crist vater vnd svn din geist berihte minen sin.[6]
wie solt ich den geminnen der mir vbele tv̊t.
mir mv̊z der iemer lieber sin. der mir ist gv̊t.
vergip mir anders mine schvlde ich wil noch haben den mv̊t.
dc er minen dienest man so tovgenliche (so)
waz bestet zelone des deme kv͛nige vrideriche
Anmerkungen (Wikisource)
- ↑ Nach Cod. pal. germ. 357 hinzugefügt.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 130. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_130.png&oldid=- (Version vom 7.1.2019)