![]() |
unbekannt: Datt högeste unde öldeste water recht |
|
meysten. Unde were dat so dat de schypper den koepman nicht vernögede / vnde he dat schip vorköfte / effte eynen anderen schypperen int schip settede / so mochte de koepman dat schyp binnen yaer vnd dach anspreken / vnde syn gelt dar an söken / likerwys effte he dar iegenwordich were / vnd dat schal he betügen myt des schyppers segel / so mach he dar nicht entyegen seggen.
Item Eyn Schipper vorfrachtet syn schip vnde ladet dat syne reyse tho dönde vnd hyr binnen blyfft dat schip also lange liggen dat eme geldes entbrickt / He mach wol senden tho synemm lande vmme ghelt / men he moth nenen guden wynt vorlygghen / wente vorlege he den wynt / he were schuldich den koepmanne synen schaden tho beteren vnde betalen. Jodoch he mach wol van der koeplude gudt tho syner nottorfft[1] nemen / vnd wen he kümpt dar he lossen schal / dar schal he dat gudt betalen twysschen mynsten vnde den meysten alse dat gudt yn dem marckede gilt dat in dat sulue schyp is / vnde de schypper schal syne vulle fracht dar van hebben.
Anmerkungen (Wikisource)
- ↑ Im Original steht ”nottrofft“.
unbekannt:Datt högeste unde öldeste water recht. Lübeck: Jurgen Richloff, 1537, Seite 33. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_33.jpg&oldid=- (Version vom 18.8.2016)