![]() |
unbekannt: Datt högeste unde öldeste water recht |
|
vorhüren mach weme hee wyll wente tho der bescheden tydt.
Item Dar eyn man syn Schip uth deyt welcken lüden / vnde dat schip tho vorschepen / vnd he na der lüde willen varet / wert dat schip tho braken in der reyse / de fracht lüde scholen em geuen halven schaden.
Item Vorlust men eine Mast edder Segel in der segelinge van vngelücke / des en doruen se en nicht gelden / wert se ouerst dorch noth gehouwen effte geworpen / so schal dat schip vnd dat gudt gelden na marcktale[1] / alle koplüde vnd de Schipper mede.
Item Men maket einen Man tho einem Schipperen / vnde dat schip horet tho erer twen / dren/ edder meer /Dat Schip segelt van danne / vnnd is gefrachtet tho segelen in frömde lande / vnde kumpt thor Slüse / tho Bordeus / tho Rossel / tho Lissebon edder anders wor / De Schipper mach dat schip nicht vorkopen / he hebbe denne vorlöff van den yennen den dat schip tho kümpt / Men
- ↑ SL:...tal: etwas durch Rechnung gefundenes, Verhältnis, Proportion
unbekannt:Datt högeste unde öldeste water recht. Lübeck: Jurgen Richloff, 1537, Seite 6. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_06.jpg&oldid=- (Version vom 17.8.2016)