![]() |
unbekannt: Datt högeste unde öldeste water recht |
|
Item ys dar yemant / idt sy stürman ed den leytsage effte schipman / sick bestediget vnde synes amptes nicht enkan / vnd dat Betügen myt twen edder dren de Binnen der Bort syn / he schal dem Schippern syn gelt wedder geuen / vnd dar tho halff so vele alse he em gelauet hadde / tho lone edder thor hüre.
Item Binnen der hauen mach ein schipper synes schipmans los werdes myt haluem lone / vnd Buten der hauen myt gantzem lone / so verne he em nenen Bröke[1] bewisen kan
Item Ock schal nemant vp dem lande slapen by nachte ane des schippern vorlöff / by twen groten tornosen / Ock schal dat both effte espinck[2] nemandt vören van dem schepe by nachte / by twen groten tornosen / sunder ydt sy des Schippern syn wylle.
It[s] Ock schal men geuen tho Schone vor yslike last swars[3] iiij. d[enari]. vth / vnd van der last leddeger[4] t[s].[5] j. d[enari]. in / vnd j. d[enari]. vth / dar vmme dat de schipman arbeidet vth vnd in vor er wyn gelt.
Anmerkungen (Wikisource)
unbekannt:Datt högeste unde öldeste water recht. Lübeck: Jurgen Richloff, 1537, Seite 3. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_03.jpg&oldid=- (Version vom 17.8.2016)