|
Verschiedene: Codex diplomaticus Anhaltinus/Band 5 |
|
|
385
tü Yrinxstorp. Datselve ghüt and dat gherichthe binnen der Grime lech he in dem vorghenanten daghe hern Arnde Stameren, und he untphynck id von em tü rechteme lene. Des ersten daghes na allerhylghen daghe lech he Bussen van Welsleve enen hof und dri hüve tü Swmmere up dem velde.
In dem sevenundrittegesten iare, in unser vrüwen daghe lychtmissen, lech he (1337) Hincen Turowen wive, Hannen Stripans sustere, dri hüve und dri hüve tü Ballenstede, two mark gheldes und vyer wyschepele cornes. In sente Valentinus daghe lech he twen Halsberghen half dat dorp tü Colbyz und dat gherichte. Des sündages Circum- dederunt lech he ene halve hüve tü Barchusen . Mens, de let up Dydeman Wyzk. Des dinsdaghes darna lech he Hanse Hynrikes sone van Halle two hüve tü Podelytz, ene wysche und dat ghut, dat sin vader van em hadde. Claus sin brüder vortech des und let dat up. Des sundaghes Exsurge lech he hern Rycharde. van Vrose den tegheden over teyn hüve, de ward los van eme, de hed Langhensten. Des donnersdages vor f. 14«- Esto michi lech he dren brüderen Hanse, Clauwese und Thilen Wytten ene halve hüve leenghudes und enen hof tu Wrentz. Des sunnavendes vor Invocavit lech he Hincen van Alsleve ses hüve und ses hove tu Borneker, de ghelden lxxij hünre. Des dins- daghes na Invocavit lech he dem voghede Enghele v hüve und iiij punt pennighe tü Gröbyzk und alle dat, dat em ledych worden is van Tylen van Pytne. Des mydeweken vor Letare lech he Wurthegharden enen hof up dem berghe, v morghen, ene wysch unde den Synckstel. Des mandages vor Palmen nam he in dat hus tü Wezstorp. Des- selven daghes lech he hern Arnde Stameren borchlen up dem vorborghe tu Wezstorp. Des mandaghes na Jubilate lech he Erwyne van Repkov drettehalve hüve, de lygghen tü Osternyenburch. Des vridages darna sante he Rülf Dorren wyve ene mole, de lyt tü Asschersleve in dem voghelsanghe, und . . . .'° marck gheldes tü Nyenburch. Des- selven daghes Tyle van Düpzk led up iij marck voghetgeldes tü Jezere, de lech he Hanse van Wrentz, und sante se synen wyve by hern Conrade Queste. Des sunna- vendes darna lech he hern Jordans wedewen van Nendorp vyer hüve tü Lützel up dem velde, und dartü den thegheden tü Hedem Erxleveß Des mydweken in den Pyngsten 114*- lech he hern Hincen dochter van Vrose iij marck tü Brundal, tü Alkendorp und tü Lepentz, ix virdynghe tu Derlynghe, vij ferding gheldes und dry hüve tü Scandesleve up dem velde. Des donersdages darna lech he Hanse Moleken, Hanse Eeselinghe und Contzen sinem brudere vj hüve tü Nyenstede up dem velde, de ghelden ix wyschepele, myd alsodame rechte und undersched, alse se hadde her Bernd van Nyenburch, de se uplet. Desselven daghes lech he Jordan Lypen teyn marck gheldes, de lygghen tü Drobele. In sente Jacopes daghe lech he Tylen wyve van Buckerode iij hüve, de lek- ghen tü Celynghe up dem velde. Des donersdaghes na sente Jacopes daghe lech he Hynczen Turowen wyve iij hüve tü Österndorp, ij marck gheldes und 18 viertych scock tegheden tü Hatzkerode. Des sundaghes in sente Laurentius daghe lech he Abeken van Cerynghe ij hüve tü Güzsten. Des sunnavendes vor Marie Magdalene dedynghede byscop Lodewych van Brandenbürch und greve Albrecht van Anhalt, dat myn herre greve Bernd van Anhalt scolde laten volghen de vertych marck gheldes, de he het tü Halle tü dem Nyenwerke, greven Hynrike, synem brudere, tü synem lyve, und scolde em noch dartü bewysen twyntych mark gheldes in sinem lande, ock tü synem lyve. f. 16*. So scolde greve Hinryck vertyen und aftycht dün alle des, dat on anvalle mochte van synes sylves weghen und van synes ordens weghen, van synes vader ghude, an eghen,
49
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 385. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_385.jpg&oldid=- (Version vom 31.7.2018)
