|
Verschiedene: Codex diplomaticus Anhaltinus/Band 5 |
|
|
1350. November 1. Magdeburg. Der Weihbischof Johannes von Magdeburg stellt den Wohlthätern und Besuchern der Marienkirche in der Altstadt Bernburg einen Ablassbrief aus.
Nos frater Johannes Dei et apostolice sedis gratia Bersabeensis episcopus, vices venerabilis domini domini Othonis sancte Magdeburgensis ecclesie archiepiscopi in pon- tificalibus gerentes, universis Christi fidelibus hanc literam inspecturis salutem in Domino sempiternam. Cupientes quoslibet Christi fideles ad pietatis opera modis con- venientibus et Deo placitis, in quantum poterimus, invitare, hinc est quod omnibus vere penitentibus et confessis, qui ad ecclesiam in antiqua civitate Bernborgensi manus por- rexerint adiutrices, vel qui in eorum testamentis aut extra aurum, argentum, vestimen- tum aut aliquid aliud caritativum subsidium ad ipsam donaverint, legaverint, donari vel legari procuraverint, vel ad ipsam causa devotionis et orationis accesserint in singulis festivitatibus infra scriptis, videlicet die nativitatis Christi, Pasche, Pentecostes, corporis Christi, Johannis baptiste, et in singulis festis beate Marie virginis, omnium apostolorum et evangelistarum, omnium sanctorum, omnium animarnm, patronorum, dedicationis, et per octavas earundem octavas habentium1, aut qui corpus Christi seu oleum sacrum sc- quuntur, dum ad infirmos fuerit deportatum, vel qui cimiterium ibidem circumierint pro omnibus fidelibus defunctis exorantes, seu qui in serotina pulsatione tria Ave Maria ob reverentiam gloriose virginis Marie devote oraverint quandocunque, de omnipotentis Dei misericordia beatorumque apostolorum eius Petri et Pauli gratia confisi, auctoritate venerabilis domini Magdeburgensis archiepiscopi2, cuius vices ad tempus gerimus, et nostra, qua fungimur, de iniunctis eis penitentiis lxxx dies indulgentie et duas karenas in Domino misericorditer relaxamus.
Datum in Magdeburg, anno Domini m0.ccc°.l°, in die omnium sanctorum, nostro sub sigillo.
Aus dem Copiaibuche der Marienkirche tu Bernburg im Besitze der genannten Kirche. — 1. Mspt: seqnentia. — 2 Fehlt im Mspt.
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 343. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_343.jpg&oldid=- (Version vom 31.7.2018)
