|
Verschiedene: Codex diplomaticus Anhaltinus/Band 5 |
|
|
340
Ock mach de vorgenante landrichter und sine rathgeven de lantvolge mern und minren na der gheleghenheit des landes, dar man inne volgen schal, alse it sy duncket nutze und redelick sin.
Nenen nyen toln binnen disseme lantfrede schulle we setten, men alse we rede hebben.
Ock hebbe we vorlovet, dat nemant binnen disseme vrede wapen vuren schal den der vorsten unde der heren unde der stede knecht und dener, de2 in disseme lantfrede sint und dar se vor antworten willen.
Ock wat man roveren nimbt, dat schal man buten, den were denne dat de lant- richter darbi were, de schal dat delen, alse eme gut dunket.
Weret dat iemande, de in desseme landtfrede sin, ein vheste wurde afgewunnen ane in openbarme krighe, dar schol de de landtfrede tu volgen und tu helpen, und ne- mant schal sick sonen noch Vreden, he en hebbe sine vesten weder.
Wers dat ein uplop wurde umme desse vorbescreven stucke, dat schal man vor den landrichter bringhen und sine rathgheven, de scholden dat berichten.
Alsus, also herna bescreven steit, Scholen de vorbenanten vorsten, heren, denest- man, ridter, knapen und stedte und alle de, de in disseme landfrede begrepen sin, de volghe dun deme landfrede, wanne de von em geeschet gewerth. De vorbenante ertze- biscop Otto von Meideborch mit twintich mannen mit helmen, mit tein schütten mit guden bersarmborsten und mit einer bliden. De bisscop Albrecht von Halberstadt mit viftein mannen mit helmen, achte schütten und ein bliden. Bisschop Hinrich von Hildensem mit vieftein mannen mit helmen, achte schütten und einer bliden. Herthoghe Rodolff von Sassen met veftein mannen mit helmen, achte schütten und einer bliden. Greve Bernt, Albrecht und Wolmar von Anhalt met twintich mannen mit helmen, tvolff schütten und4 einer bliden. Greve Borchardt von Mansvelt und greve Borchart von Schraplowe mit achte mannen mit helmen und vif schütten. Greve Siwert von Mansfelth, greve Albrecht von Regenstein sestein mannen mit hel- men, achte schütten und mit einer bliden. De greven von Lindowe mit achte man- nen mit helmen, ver schütten. Greve Hinrick, Thiderick von Honstein, greve Curth von Werningrode sestein mannen mit helmen, achte schütten und mit einer bliden. De von Hademersleve Otto, Otto und Hans tein mannen met helmen, ses schütten und einer bliten. Greve Hinrik von Regenstein twene man mit helmen und einem schüt- ten. Greve Hinrich von Barbi twen mannen mit helmen, einem schütten. Greve Albrecht, Gunter von Barbi mit veer mannen mit helmen und twen schütten. Fri- derich, Lodewich, Albrecht herren von Hakeborn Scholen volgen: Frederick mit twen helmen und einem schütten, de andern mit dren helmen, eime schütten. Brun von Qwerverde mit dren mannen mit helmen und mit twen schütten. Herr Curth von Werberge met dren helmen und twen schütten. Ein itlick denestman, de eine eigene vesten heft, ridder oder knecht, de up pantvesten Sitten, dar borchmanne uppe sitten, Scholen volghen deme landfrede met twen mannen met helmen und einem schütten. De anderen riddere oder ridderemesche lüde Scholen volgen met eres selves helmen. Dit sint de stede, de tu deme lantfrede geschworen hebben: Gosler, Meydeborch, Halle, Halberstadt, Qwedelingborch und Aschersleve. De von Goslar Scholen mit ses helmen unde tein schütten und einer bliden, de von Magdeburgk mit twolff mannen mit hel-
men, tein schütten und einer bliden, de von Halle mit tein mannen mit helmen, achte
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 340. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_340.jpg&oldid=- (Version vom 31.7.2018)
