|
Verschiedene: Codex diplomaticus Anhaltinus/Band 5 |
|
|
264 -
Lamme. Disser gulde Scholen sy uns beydersyt geven eyne halve mark up dy Dienen- den, dy anderhalve mark up dy Paschen unvortogeliken. Dye ander mark hebbe wy Hanse Gerdemanne vor twelff mark up synem erve, dar he ynne wonet, dat vore Peter Meynstorpes is gewest, unde ut synem redesten gude mit willen unde weten syner erven, der schal he uns geven eyne halve mark up Paschen, dy nehest tu körnenden sin, dy ander halve mark schal he uns geven up dy mehenden negest darnach: also schal he dat vortmer halden alle iar unvortogeliken. Vortmer du wy witliken allen cristenlu- den, dat uns unde unsem godishuse dy vorscreven er Dyderik Räd het gegeven besun- dern eynundetwintich mark, alse hir eyne gemeyne were is in der stad, dorch Godis willen unde Marien syner liven müderen. Mit demeselven gelde hebbe wy gekoft an- derhalve mark unde eynen virdungh ierigher gulde, als vor eyne halve mark by Geriken Bodiker in der Breidenstraten vor ses mark up synem erve unde ut sinem redesten gude mit willen und weten siner erven, der schal he uns geven eynen virdungh up dy mehenden alle iar, den schole wy vort reyken unde antwerden unsem herren dem pro- veste, dy schal sik des behalden eyn lot unde geven iowelkem cappellane eyn lot, dem schulre unses godishuses eyn lbd: den andern virdungh schal he uns geven up dy Paschen alle iar, mit deme schole wy dat ok also halden, alse vor mit dem irsten. Dy anderhalve mark hebbe wy gekoft by Andreas Scucze unsem parmanne unde eynen virdungh vor negen mark ierigher gulde up synem erve, dar he ynne wonet, unde ut synem redesten gude mit wille unde wete syner erven, der schal he uns geven andir- halven virdungh up dy mehenden alle iar, darvon schole wy geven unsem herren dem proveste eyn lot unde unsen beyden cappellanen eyn lod, der custerynne unses godis- huses eynen virdungh. Den andern anderthalven virdungh schal he uns geven up dy Paschen alle iar, mit deme schole wy dat ok also halden, alse hirvore mit dem irsten gelde. Alsus het unse herre dy provest alle iar eynen virdungh geldes von desser gulde unde unser beyde cappellane iowelk dry lot alle iare up dat, dat sy deste willi- ger unde vlitiger sin in deme sanghe unde tü kundigene dem volke dat afflad, dat dartu gegeven is unde noch komen mach nach Godis willen. Mit der halven mark von den negen virdunghen schal dy kusterynne unses godishuses meren unde beteren dat geluchte unde dy kerczen, dy men brent unde ewiclichen bernen2 schal alle sunnavende vor den geczirden beiden Marien unde des heiligen crutzis in der* cappellen des hei- ligen crutzis. Dy dridde halve mark hebbe wy gekofft by Claus Düben unsem par- manne ut syme erven, da he ynne wonet, unde syme reidesten gude mit willen unde weten syner erven vor ses mark ierigher gulde, der schal he uns geven eynen virdungh up dy mehenden alle iar, den schole wy geven vort den altaristen allen vyren in un- sem godishuse unde Scholen en antwerden den eldesten manghen en, dy schal den deilen, alse sik dat gebord. Den anderen virdungh schal he uns geven up dy Paschen, mit deme schole wy dat ok also halden, alse hirvore mit dem irsten virdunghe. Vor alle disse vorscrevenen almuszen, woldat unde umme dy grote werdicheit, dy uns unde unsem godishuse dy vorgenanten vromen lüde er Dyderik Räd prister unde Sacharias Brandeborch hebben bewiset unde vulleclich gedan nach orer macht, scole wy unde willen in ganczen truwen unde in godliker lyve und alle dy, dy nach uns komen, alle sunnavende, wen wy unse vespere ütgesunghen hebben, gan von unsem kore in unse kerken vor dy kapeilen des heiligen cruczes, da dy vorgenante ersame beide ynne sin
Marien unde des heiligen cruczis, unde scolen dar singhen den vroliken sangh, den God
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 264. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_264.jpg&oldid=- (Version vom 31.7.2018)
