|
Verschiedene: Codex diplomaticus Anhaltinus/Band 5 |
|
|
235
stibus licentiam criminandi surriperent, infinitis inter se homines iurgiis discreparent. Ad extollenda itaque iustorum preconia et transgressorum insolencias efficaciter repri- mendas prospiciens e celo iusticia erexit in populis regnancium solia et diversorum prin- cipnm potestates. Caruisset namque libenter humana conditio iugo dominii, nisi impunita scelestium factio in evidentem humani generis perniciem redundasset. Ob hoc igitur necessitate cogente naturam oportuit subesse iusticie et servire iudicio libertatis. Sane propositam nobis gravem querelam pro parte venerabilis archiepiscopi Magdeburgensis principis honorabiliumque prepositi, decani, capituli et totius cleri ecclesie et diocesis Magdeburgensis, devotorum nostrorum dilectorum, recepimus continentem, qualiter non- nulli principes, comites, barones, nobiles, milites, clientes, cives civitatum, opidorum et villarum communia necnon alie private persone, sue salutis immemores et manus suas ad vetita extendentes, non verentes predictos prepositum, decanum, capitulum et clerum eiusdem ecclesie et diocesis Magdeburgensis communiter et divisim iusticiariosque et officiatos villarum et locorum ad eosdem vel eorum quemlibet pertinencium in eorum iuribus, libertatibus, gratiis, privilegiis, indultis et observantiis rationabilibus legitime prescriptis tarn in personis quam rebus molestant, ledunt, impediunt, offendunt indebite pariter et perturbant, nonnulla eciam de iuribus, possessionibus, rebus et bonis ipsorum violenter et contra Deum et iusticiam detinent, occupant et usurpant predictosque ar- chiepiscopum, prepositum, decanum, capitulum et clerum dicte ecclesie et diocesis com- muniter et divisim ac eciam villas, subditos et familiäres eorundem in corporibus et rebus, nullis iure iudicio terminis iudicialibus vel sententiis adversus8 eosdem quesitis vel obtentis quomodolibet, deassecurant pariter et diffidant, vulnerant et captivant ac multas alias iniurias intollerabiles tarn per incendia quam rapinas, depopulaciones et spolia ipsis irrogant, inferunt et permittunt inferri et procurant contra Deum et iusti- ciam et omnem eciam equitatem. Verum cum prefati archiepiscopus, prepositus, decanus, capitulum et clerus eiusdem ecclesie et diocesis Magdeburgensis non habeant neque recognoscant alium quam imperatorem aut regem Romanorum tamquam patronum et superiorem in bonis suis temporalibus sub imperio constitutis ipsisque redditur difficile valde pro premissis et aliis querelis emergentibus continue regie maiestatis pro iusticia consequenda presenciam accedere, extitit nobis pro parte eorundem humiliter suppli- catum, quatenus ipsis de oportuno provisionis dignaremur remedio providere. Nos, dictis archiepiscopo, preposito, decano, capitulo, clero dicte ecclesie et diocesis commu- niter et divisim adversus impetitores, offensores et iniuriatores quoscumque illo volentes condigno remedio providere, per quod ipsorum compescatur temeritas et aliis aditus committendi similia precludatur et quod cessantibus tantarum turbationum molestiis dictus clerus, quem tamquam peculiarem nobis et domesticum favore prosequimur sin- gulari, deinde incrementis optatis proficiat cultusque divinus in eorum ecclesiis peram- plius augeatur, non per errorem aut inprovide, sed animo deliberato, sano principum, comitum, baronum et procerum nostrorum et imperii sacri fidelium accedente consilio de certa nostra scientia et Romanorum regie plenitudine potestatis vobis et cuilibet vestrum in solidum tenore presencium committimus et mandamus, dantes et concedentes vobis et vestrum cuilibet quoad hoc plenariam et omnimodam potestatem, quatenus vos aut unus vestrum per vos alium seu alios prefatis archiepiscopo, preposito, decano, ca- pitulo et clero ecclesie et diocesis predicte et eorum cuilibet communiter et divisim efficacis defensionis presidio realiter assistentes non permittatis eos aut eorum quemli-
80»
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 235. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_235.jpg&oldid=- (Version vom 31.7.2018)
