|
Verschiedene: Codex diplomaticus Anhaltinus/Band 5 |
|
|
184
noch uns ouch ober sy nicht helffen. Anders en wellen wir nymandes usgeczogen haben, wenne wir wellen und sullen unserm genanten lieben swagere graven Segemunde raten und helffen ober allemanne glich wüliclich mit ganczen truwen, und wellen noch en sullen keine wederrede noch kein arg artikel doryn tragen noch nymmer irdenken, das uns daran irren sulde ader müste, ane geverde. Ouch so en sullen wir keine krige sunderlichen machen noch nymandes vind werden, wir thun denne das mit unsers lieben swagers graven Segemundes wissen und fulbort. Und wellen ouch keine krige noch fede mit unsern vinden uns sunen noch berichten, wir czihn denne graven Segemunden unsern lieben swager mit doryn und geschee mit sienem wissen und willen. Wurd is sache das unserm swager graven Segemunde und uns also mit enander krige und orloge uffstunden, das wir volk und koste by enander legen und haben musten, so sal unser swager grave Segemund czwene us sieme rate gein czwen us unserm rate von stad an zcu Czerwist adir gein Aken senden: wy dy viere irkennen und eyn werden, in welche slos ader wo wir die leuthe und koste legen mögen, do uns das allerbeque- melichst und legelichst sy, des sullen wir beidersiet gevolgen und also halden, wie offte uns des not geschiet, ane geverde. Welcherleien fromen wir ouch mit unserm swagere graven Segemunde ader die unsern mit den sienen nemen, das were zcu velde, an strite, an name, an gefangen, an reseger habe, wy man das benennen mag, den fromen sullen wir mit enander teilen glich noch manczal gewapenter leuthe. Weide ouch unser swager grave Segemund sunderlichen ritte haben und dorczu die koste alleine tragen, so sullen wir em geriten ader die unsern em czu folge senden, wenne er des von uns begert, so wir sterkist mögen, und was fromen wir also beidersiet nemen, dovon sullen wir unserm swager graven Segemunde zcuvor an die koste legen und gelden, und das oberstellige sullen wir mit enander teilen glich noch manczal gewapenter leuthe, als gewonlich ist. Gewinnen wir ouch mit enander slos, stete oder hove, die von unserm swagere graven Segemunde zcu lehne gingen, die sullen wir unserm swagere graven Segemunde genugeclich in sine lehn und weren volgen lasen, wenne er uns davon abe- gelegit, noch manczal gewapenter leuthe, als czwene us syme rate und czwene us un- serm rate irkennen, das is redelich und gewonlich sy. Weren das aber sine pfandslos, stete ader hove, dy wir mit enander gewunnen, so sal er also vil Pfenninge, vdovor er is gesaczt hat, uslegen und gebin, und dy Pfenninge sullen wir mit enander teilen glich noch manczal gewapenter leuthe, als gewonlich ist, und denne sullen wir em die slos, stete und hove zcu siner hant und were weder folgen lasen ane geverde. Gewunnen wir aber sust mit enander slos, stete ader hove, dy von unserm swagere graven Sege- munde zcu lehne nichten gingen noch syn nichten weren, die sullen wir mit enander bruderlich ynnehalden, haben und gebruchen noch manczal gewapenter leuthe, als ge- wonlich ist, ane geverde. Wurden aber unserm swagere graven Segemunde slosse, stete ader hove abegewunnen und wir dy mit enander wedergewunnen, das sullen wir un- serm swagere graven Segemunde zcu gute halden, aber er sal uns und den unsern, dy dorczu helfen, geben und legin koste, futer, bier und brot ane hufslag. Were ouch das unserm swager graven Segemunde sine slos, stete ader hove bestallet unde belegin wurden ader unser swager grave Segemund ander slosse, stete ader hove bestallte und belege, so sullen wir und wellen von stad an, wenne wir des von em irmahnt und geeischt werden, dorczu volgen mit ganczer macht und sullen em dorczu helfen getru-
weclich, so wir allerbest kunnen und mögen, und denne sal unser swager grave Sege-
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 184. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_184.jpg&oldid=- (Version vom 31.7.2018)
