|
Verschiedene: Codex diplomaticus Anhaltinus/Band 5 |
|
|
1394. Juni 24 Graf Ulrich von Beinstein übereignet dem Kloster Wiederstedt das diesem von Sander Morder verkaufte Dorf Altenrode.
We Olrik van Goddes gnaden greve to Reynstein bekennen in dessem openen breve, dat de gheistliken lüde her Sander vorstender, de priorinne unde sammenunge ghemeine des closters to Wedderstidde mit unsem guden willen unde vulbort hebben ghekoft dat dorp to Alderode van Sander Morder unde sinen erven mit allir tobeho- ringe unde sodanem rechte, alze de vorbenante Sander dat van uns to leene hadde, alze he de leen uns uppghelaten unde uppghesant heft, mit allir tobehoringe unde rechte. Datsulve dorp Alderode vorbenömt mit alle siner tobehoringe, mit gherichte unde ungherichte unde alsodanem rechte, alze de genante Sander Morder dat van uns hadde, hebbe we dorch Goddes willen unde des vorgenanten hern Sanders der prio- rinnen unde der gantzen sammenunge des irgenanten closters to Weddirstidde bede willen on dat gentzliken ghegeven, ghelaten, gbevryget unde gheeigent, unde geven, vrygen unde eghen on dat ewichliken to besittende mit craft desses breves, alze we dat ghekoft hebben van den edeln van Hakeborn, unsen leven ohmen. Vortmer so late we on dorch Goddes willen unde dorch salicheit willen unsir eidern seien unde unsir to tröste dat ius patronatus des kerclens desselven dorpes Alderode uppe, dar se deste witliker vor unse eidern, vor uns unde unse herschop unsen heren Godd bidden. Des to merer wissenheit unde openbarer bekantnisse hebbe we on dessen breiff ghegeven vor uns unde unse erven unde den bevestent mit unsem anghehengden ingheseghele. De ghegeven is na Goddes bort dritteinhundert iar in dem veireundeneghentighesten iare, des mitwekens, in sente Johannes daghe des dopers, to middensommer.
Aus dem Original im Staatsarchive tu Magdeburg, mit dem an einem Pergamentbande hängenden Siegel des Ausstellers.
1394. Juni 24 Kuno von Altenburg verkauft dem Kloster Kölbigk eine Mark jährlichen Vogtgeldes an zwei Hufen Landes zu Plötzkau.
Ich Chone van Aldenburch und mine erben bekennen in dussem breve; das ich recht und redelich habe verkauft und vorkope vor mich und mine erven eine marck iarliker gulde vogetgeldes Berneburgsche werunghe uf zwey vorgelegenen hubyn uf dem velde zu Plotzkow den bescheidenen luten ern Hans Kremere, pferrer zu Gilver- stede und moneke zu Kolbeck, und dem gemeinen capitthel des genanten klosters Kol- beck x marck der ergenanten werunghe, de in alle iar geven und enrichten scullen dusse nageschrevene lüde, die iczunde dusse vorgeschreven hoven haben in bruchk: Hans Klocke gift van einer hoven, Hans Dyden van einer hoven, Henrich Zcochen van einer hoven. Haben hirnach alle yre nachkumliche, de genanten hoven haben und be- sitten, gebruken ader segen, of den negesten Mertynsdach unde darnach alle iar off den seulften dach unde in demseulften kloster Keulbeck ayn mittaghe, asse zinsguyt recht und wonheit ist. Unde ich unde mine erven wese iczundt de genante zinslude
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 179. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_179.jpg&oldid=- (Version vom 31.7.2018)
