|
Verschiedene: Codex diplomaticus Anhaltinus/Band 5 |
|
|
156
des tu Cerwist mit craaft disses brives in die ere unde loff des almechtigen Gods unde unser vrouwen senthe Marien, Gods müdem, unde alles hemelescbes heres, allen löfdigen cristensylen tu tröste unde uns unde den brüderen des hilgen bludes unde allen cri- stenluden tu der saligheyt unde beteringe van der stad wegen vir marg ingeldes ier- likes tynses Cerwister weringe tu dem altaar des hilgen lychams in der kerken tu sentte Nyclawese tu Cerwist vor achtentich marg, dy sy uns vul unde al betalet hebben na Cerwister weringe. Desse vier marg Scholen wy unde willen odir wy des iars ratmanne syn, geven unde betalen deme prister des altaars alle iar tu vier tyden im iare an croschen odir an sulver odir wu. eyne gemeyne weringe is tu Cerwist: eyne marg des sundages nest des hilgen bludes dage, dy ander marg des sundages nest vor meynden, dy dridde marg des sundages neest vor Wynachten, dy virde marg des sundages neest sentte Wolborgen dage, ane allerleye hindernisse, unde Scholen wesen schotes unde allerleye stadrechtes vry. Were ouk dat wy dy vier marg ingeldes wed- dercopen wolden odir vormuchten, so wille wy unde Scholen umme dy achtentich marg cöpen up dy vorgenanten vier thyde in dem iare vier marg ewighes, wisses ierlikes thinses tu dem vorgenanten altaar also, dat dy prister odir vorweser des altaars unde dat altaar nicht Scholen des thinses erregan unde dat dy thins deme prister des altars wisliken unde ruweliken werde ane hindernisse. Up dat dat dy prister unde dat altar wol besorget werden, so hebben dy erliken wisen luden dy ergnanten brudere des hil- gen bludes tu erbarigheyt geoppert unde gegeven dy leen unde patronaat des altars den ratmannen der stad tu Cerwist, dat sy dat moghen lyen dorch Got, deme sy des gunnen. Deme dat altar gelegen wert, dy schal darsulven misse over halden odir schaffen, dat darover misse redeliken werde gehalden, alze eyme innigen godefruchti- gen pryster temet, unde nemelike alle donresdage, so schal he schaffen, dat darover werde gehalden eyne sankmisse Van dem hiligen licham Gode tu love unde tu eren unde siner benediden müder sentte Marien unser liven vrouwen der hiligen ewighen iuncvrouwen unde allem hemeleschen here, allen lovigen cristensielen tu tröste unde uns unde den brüderen des hiligen bludes unde allen cristenluden tu der salicheyt unde beteringe. Unde alle don- redage, er me dy sankmisse anhevet, so schal du prister, dy dy sankmisse wert halden, dragen den hilgen licham erliken, loveliken unde innichliken met gesange, kertzen unde clocke up des hilgen lichams altaar, unde deme dat altaar gelegen wert, dy schal schaffen eynen kuster tu der sangmisse van der gulde des altars odir van syme gelde, dy dar hel- pet singen unde anstecket dy kertzen, dy dar werden getuget tu der missen unde tu dem altaar. Ouk schal he in allen synen guden werken unde bede bidden vor alle dy lüde, dy dat altar gestichtet unde gebuwet hebben, unde vor dy, dy ore almosen tu dem altar hebben gegeven unde geven unde werden geven. Ouk schal he vier dechtnisse dun van der gulde des altars alle iar tu vir tyden im iare met vilgen und met selemissen tu hulpe und tu tröste allen den, dy in dy bruderschop hören, levendigen unde doden, unde schal dy, dy in dy bruderschap vorstorven syn, nemeliken kundigen vor des hilgen lichams al- taar, er me dy syelemisse anhevet. Eyn dechtnisse schal wesen des mandages neest na des hilgen bludes dage, dy ander dechtnisse schal he dun des mandages neest na meynden, dy dridde des mandages neest na den twelften, dy virde dechtnisse schal he dün des man- dages neest na der brudere wymisse. Tu isliker dechtnisse schal he geven eynen hal- ven firding tu kore, den schal me delen orer al den pristeren unde den kusteren, dy
dar komen tu der vilgen unde missen, eyme iowelke sin deel, unde dy prystere Scholen
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 156. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_156.jpg&oldid=- (Version vom 31.7.2018)
