|
Verschiedene: Codex diplomaticus Anhaltinus/Band 5 |
|
|
149
willen endrechliken hebben vorkoft unde vorkopen rechtliken unde redeliken tü lode- ghe mark gheldes iarliker ghülde Halberstadischer were an deme ghüde, dat Swiders is ghewesen1, tü Groten Alsleve unde an al usus capitels güde, war we dat hebben, deme vromen prestere hern Hinrike Kaien, bordich van Wegheleve unde belenet in user kerken, vor vereundetwintich lodeghe mark, de he uns vül unde al betalet het unde we in unses capitels nüt unde vromen ghewant hebben unde vor datsilve gut is ghekomen. Disse vorbenanten tü lodeghe mark scolle we unde willen ome gheven vül und al up dissen neghesten sencte Mertens dach unde darna alle iar up denselven dach, dewile dat he levet, an allerleye arghelist, hynder unde vortoch. Gescheghe nu, des Got nicht en wille, dat dat vorbescreven gut worde so ghekrenket, dat ome de ghülde, oder wortü oder weme he darvan wat beschedede, nicht van dem gude gheven mochte, so scolle we unde lovent ome eder darben doch tü ghevene van al usus capitels güde, wur we dat hebben, by sinem levende unde ok nach synem dode. Vortmer so het disse silve her Hinrich ghegheven unde gift myt guden willen na syme dode disser vorbenomeden gülde anderhalve lodeghe mark in dat stychte tü Ghernrode, den iunc- vrowen unde den heren, vor sine sele in disser wise, alse hyrna bescreven steyt: eyne halve lodighe mark tü siner iartit, ene halve lodighe mark mede tü beghande dat fest sencte Peters, dat dar het vincula, ene halve lodighe mark tü eyner memorien syner unde syner elderen unde dere, van den he dit gut het. Unde de memorien scal me beghan des anderen daghes na vincula Petri, unde wanne me begheyt sine iartit unde dat fest unde de memorien, so schal me van iowelker halven lodighen mark gheven dre Schil- linge Quedelingeburghescher pennige armen luden vor sine sele. Ghescheghe nü dat desilve her Hinrieh storve er Olrich sin brüder, so scolde me Olriche sinem brudere gheven de halven lodighen mark, de tü sente Petern feste bescheden is, sine levedaghe, nach sime dode scal se weder komen tü demsilven feste. Ok ghift he unde het ghe- gheven van der vorbescreven gülde eyne halve lodighe mark tü eyme ewighen lichte, dat scal bernen tü eyner ere unser leven vrowen al unser vrowen nacht annuntiationis, assumptionis, nativitatis, conceptionis, purificationis van eyner vespere wante tü der anderen, alle sünnavende tü der homissen, alle ghuden donersdaghe van der vespere an wente in den osterdach, dat de vespere ut is. Unde welk iuncvrowe dit licht wil vorstan, der schal me antwerden de vorbescreven halve lodighe mark, eder prester, de scal van disser silven halven lodighen mark hebben alle iar tü tynse eynen halven swarten verding, unde dit licht scal stan up der iuncvrowen' kore. Dat we vorghenanten vrowe Alheyt ebdesche, Bertrat provestine, Alheyt dekene, Mechtilt kusterinne unde dat capitel ghemeyne der ereghenanten kerken tü Gernrode willen dissen vorbenumpten her Hinriken Kaien unde Olrike Kaien, syne brodere, alle disse vorbescreven ding unde iowelken artikel besunder stede unde gans halden, dat rede we unde loven one alle met eynander in disseme ieghenwerdighen breve ane allerleye arghelist in guden tru- wen, unde gheven om des tü eynem orkunde unde tü bewisinge dissen bref beseghelet met useme unde unses capitels anhangenden ingheseghelen.
Nach Goddes ghebort dusent iar unde drehundert iar in deme tweyundeneghentesti- gheme iare, in deme groten heren daghe, de dar het twelften.
Aus dem Original im Haus- und Staatsarchive tu Zerbst, mit den an Pergamentbändern hängenden Siegeln der Aebtissin (IV. Taf. VI. I) und des Capitels (II. Taf. VII. 2).—
1. S. no. 165.
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 149. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_149.jpg&oldid=- (Version vom 31.7.2018)
