|
Verschiedene: Codex diplomaticus Anhaltinus/Band 5 |
|
|
128
dat we grave Segemund edir unser broder ein, äff we nicht en weren, unde Albrecht Bok unde Hans Hedersleve herkennen, de scal sines deyles vorvallen sin gancz unde deger an Haczkerode hüs unde stat unde an allir tobehoringe, dat darto gelecht is unde darto hord, unde we dar to Haczkerode ein voget is, de scal von Staden an reden unde loven uns graven Segemunde unde uns Alberte Bok unde Hanse Hedersleven dat vorgenante slot unde stat Haczkerode to antwerdene ane wedirsprake, welker orme we dat antwerden heten, unde de scal sek nicht laten avesetten, de andere, deme man dat slot antwerden scal, hebbe uns vorgenanten erst geredit, unde also dicke also desser vorgenanten vogede yenich aveghinge, gefangen edir von unsen ergenanten ohemen unde heren avegesat worde, wehen se denne to eyme vogede wedir setten, de scal uns vor- genanten von stunden an wedir reden mit dem slote, alse vor. Hirup scal unse oheme unde here grave Otte ere herscap genczliken vorstan mit unsers ohemen unde heren graven Bernhardes rade unde hulpe unde erer nicheyn scal don ane des anderen rat, witscap unde vulbort, unde were dat twidracht twischen on upstunde, des scolen Albert Bok unde Hans Hedersleve macht hebben, se der twidracht bynnen veir weken to ent- schedene. Kunden se des nicht don, so scolen se dat an uns brengen, so scole we unde willen se mit erer twier hulpe bynnen veir weken selven herscheden, äff we kun- nen. Kunne we des aver nicht don unde we unde de vorgenante Albert unde Heders- leve herkennen, dat se lenger mit einander nicht sin en willen edir mögen, so scal yderman sine slot, land unde lüde wedir to sik nemen, de vore in erer deylünge in ydermans deyl gevallen weren, ane wedirsprake na antal erer schulde, de se tosampne gebracht hedden, und äff sek hedde gemert edir gemynret, dat schulde on to gliken scaden unde to gliken vromen komen, utgenomen veirhundert schok unser mumen von Brunszwik, viffhundert schok dem von Swarzborgh unde twehundert schok Henninghe Windolde, de se mit einander gelden unde bereyden scolen. Ok scol unse oheme grave Bernhard hermanen drehundert lodige mark Erfordisch silvers, da scal man mede losen de gulde, de utestet in dem gerichte to Hoym, unde dewyle he der pennighe nicht hermant, scal de tins, de sek up de pennighe gebord, des iars in orer beyder nut unde vromen komen, unde darup scal alle ere scelinge unde twidracht, de under on gewest is wente an dessen geinwerdigen dagh, unde alle stucke genczliken gesunet unde be- richt sin, unde äff an beydent syden erer yniges man, dener edir gesinde von erer ycheme vore were vordacht, dat scal ok genczliken unde al hingeleyt unde ave sin. Alle desse vorgescreven stucke unde articule unde eyn eczlik besunderen rede unde love we Otte, Bernhard unde Rudolf fursten to Anhalt deme hochgebornen unsem ohe- men graven Segemunde unde Alberte Bocke unde Hanse Hedersleven in guden truwen stede unde gancz to haldene und reden unde loven on ok alse dicke, alse we nyghe vogede to Haczkerode setten, dat on de denne scal von stunden an reden unde halden mit dem slote alse dicke, alcz sek dat gebord, unde scal dat genczliken unde ane ar- gelist halden in aller wis, alse vor gescreven sthet, unde reden unde loven dat ok in guten truwen unser ein den anderen dat stede unde gancz to haldene ane geverde. Unde we grave Segemund vorgenant rede unde love unsen vorgenanten ohemen an beydent syden, an welk orem desser vorgenanten stucke brok geschit, dar Got vor sy, dat we des deyl an Haczkerode hus unde stat dem anderen von stunden antwerden willen unde ome darto behulpen sin, dat he dat becrefte, ane wedirsprake, vorthogh
unde argelist. Des to bekentnisse so hebbe we unse ingesegel alle mit einander mit
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 128. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_128.jpg&oldid=- (Version vom 31.7.2018)
