|
Verschiedene: Codex diplomaticus Anhaltinus/Band 5 |
|
|
97
marggrafen von Missin, grafen Heinrich vpn Hennenberg und sinen erbin zcu ir hant die vorgeschriben achthundirt geschok für unsern hern und vetern von Anhalt gelobt habin und gelobin mit diesen brieffe in guten truwen mit gesampter hant willechlich, gutlich und genczlich zcu leisten und zcu bezcalen uff sulch tagezcit und in der stat zcu Delcz, als vor geschriben stet, an vorzcog und an geverde. Und wo wir daran ge- sumit wurden und des geldis, als vor geschriben stet, uff die egenante tagezcit nicht bezcalten adir ab der bürgen keyner abeginge mit dem tode und ein ander bürge an des abgangen stat bynnen eynem manden, alz vor geschriben stet, nicht gesaczt wurde, wanne wir danne von der vorgeschriben frauwen Elizabethin und von den hochgeborn und edeln hern ern Wilhelm deme eldirn marggraven zcu Missin und ern Friderich marggraven von Missin adir grafen Heinrich von Hennenberg und sinen erbin, den wir zcu ir hant gelobt habin, von einem, zcwehin adir in allen, darumb gemanet wurden, so en sal sich unser keiner mit deme andirn schucze, sundir welchir von erst gemant wirt undir uns egenanten bürgen, der sal ouch erst halden und inriten in die stat gein Delcz bynnen vier wochen, als er gemant wirt, in eyne gemeyne herberge, da sal unser iklichir furste sechs erbir knecht hinsenden mit sechs pherden, und der grafe vier erbir knechte mit vier pherdin, der ritter mit sines seibist libe mit dryen pherden und der knecht mit sin Seibis liebe mit zcweyn pherden, und sollen und wollen da in- legir und leistunge halden, alz inlegirs und leistunge recht ist, und en sollin von dannen nicht komen, wir habin danne dy dikgenante frauwe Elisabethin adir von irent wegin den egenanten fursten und hern ern Wilhelm marggraven zcu Missin unde ern Fride- rich marggrave von Missin, grafen Henrich von Hennenberg und sinen erbin der vor- genanten achthundert schok uff sulche tagezcit und stat, alz ob geschriben stet, genczlich unde gar bezcalen an geverde. Wanne wir ouch die dickegenanten frouwen Elisabethin, grafen Heinrich von Hennenberg adir sinen erbin die egenanten summen geldis bezcalt habin, so sollen wir von den dickenanten fursten hern Wilhelm deme eldirn marggraven zcu Missin und ern Friderich marggraven von Missin ledig und los sin an geverde adir, abe wir umb bürgen an der abgangen stat gesetzt, alz vor genant ist, wir teten ez danne mit irem guten willen, an geverde. Were ouch ab dy vorgenanten fursten her Wilhelm marggrave zcu Missin und er Friderich marggrave zcu Missin abegingen von todis we- gen, da Got vor sy, adir zcu krige quemen mit deme egenanten grafen Heinrich von Hennenberg, so sal dy dickegenante frauwe Elisabeth und der egenante grafe Henrich von Hennenberg unde sin erbin umb dy egenanten summen geldis manen an alliz Hin- dernisse und widersprach. Wanne wir ouch eynen bezcalt habin, so sollin wir von deme andirn ledig und los sin an geverde. Daz wir obgeschriben rede, stucke und artikil stete und gancz haldin willen, des haben wir1 obgenante Sigemund, Albrecht unde Woldemar gebrüdir, fursten zcu Anhalt, unsir ingesigel und wir obgschribin bürgen her Albrecht erczbisschoffe zcu Meideburg, Otte und Bernhart fursten zcu Anhalt, grafe Gunthir von Barby, er Busse von Schrapplaw, er Gebhart von Schrapplaw, er Hans-von Branditz, er Hinrich Latorff, er Hans von Mortz, Albrecht von Ysenburg, Albrecht von Czerwist unde Cune Pazleve unsir ingesigil zcu bekentnisse und merer Sicherheit an dissem briff lazzen hengen.
Datum anno Domini m°.ccc°. octuagesimo octavo, feria quarta post conceptionis Marie.
Aus dem Copiale XXXVII im Staatsarchive tu Magdeburg. — 1. Fehlt im Mspt. — Vergl. no. 109. — Am Bande: Exporavit.
13
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 97. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_097.jpg&oldid=- (Version vom 31.7.2018)
