|
Verschiedene: Codex diplomaticus Anhaltinus/Band 5 |
|
|
Na Goddes bord dryetinhündert iar in deme achtenundeachtegesten iare, in sente An- dreas daghe des hillighen nnde herren apostelen.
Aus dem Original im Haus- und Staatsarchive tu Zerbst: von den zwei angehängt gewe- senen Siegeln ist nur noch dasjenige des Nienburger Capitels (II. Taf. VIII. 1) vor- handen.
1388. December 9. Die Fürsten Sigismund I, Albrecht IV und Waldemar III von Anhalt verschreiben ihrer Mutter Elisabeth (von Henneberg) zu Leibgedinge 800 Schock Freiberger Groschen.
Wir Sigemund, Albrecht und Woldemar gebrudir, fursten zcu Anhalt, bekennen mit dissim brieffe und thun kunt allen den, die yn sehen, hören odir lesen, daz wir der hochgeborn frauwen Elsebethin furstinne zcu Anhalt, unsir liebir muttir, von ires lipgedinges wegin, daz ir unsir liebir vatir seligis gedechtnisses gedinget und gemachet hat, und von iret wegin und zcu ir hant den hochgeborn furstin hern Wilhelm deme eidern marggrafin zcu Myssin und hern Friderich marggrave zcu Missin, unsern liebin ohemen, graffen Heinrich von Henneberg, unserm brudir, und sinen erbin recht und redelich schuldig sint achthundert geschok grosschin Frybergir müncze und globin, in die gutlich und genczlich zcu bezcalen: virhundirt geschok uff den nesten zcukünfftigen send Michels tag und dy andirn vierhundirt geschok darnach uff send Walpurgen tag, der allirnest darnach komet, in der stat zcu Delcz uff unsis seibist koste und schadin an allin vorzcog, hindernisse und widerspräche und an geverde, und setzin in dafür zcu bürgen den erwertigen in Got vatir und hern ern Albrecht ertzbisschoff zcu Mey- deburg und die hochgeborn Ottin und Bernhart furstin zcu Anhalt und die edeln grafen Gunthir von Barby, ern Bussen von Scrapplaw, ern Gebhart von Schrapplaw und die gestrengen ern Hans von Brandicz, ern Heinrich Latorff, ern Hanse von Mortz, Albrecht von Isenburg, Albrechten von Czerwist unde Cunen Pazleven, die für uns und mit uns die obgenanten summen geldis uff sulch tagezcit und an sulchin stetin gelobt habin und gelobin mit getruwir hant gutlich und genczlich zcu bezcalen, als vorgenant ist, an allen vorzcog und an geverde. Wir haben ouch gelobt und globin mit dissem brieff, ab der obgenanten unser bürgen keiner abginge von todis wegin adir uz deme lande fure, daz wir danne eynen andirn guten an des abgangen stete setzin sollin und wollen bynnen eynem manden, wan wir des ermant worden, der in allir masze halden sal, alz der vor sulde gethan habe, an vorczog und an geverde, damit sy bewart sin, und sal der egenanten frouwen Elczabethin sin offin brieff gebin, der doch diesen brieffen kei- nen schaden brengen sal. Und wir obgenante bürgen er Albrecht erczbisschoff zcu Magdeburg, Otte und Bernhart furstin zcu Anhalt, grafe Gunthir von Barby, er Busse von Schrapplaw, er Gebhart von Schrapplaw, er Hans von Brandicz, er Heinrich Latorf, er Hans von Mortz, Albrecht von Isenburg, Albrecht von Czerwist und Cune Pazleve bekennen offinlich mit dissem brieff, daz wir mit ganczem willen und wolbedachtem mute der hochgeborn frauwen Elizabethin furstinne zcu Anhalt und den hochgeborn und edeln herren ern Wilhelm deme eldirn marggrafen zcu Missin und ern Friderich
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 96. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_096.jpg&oldid=- (Version vom 31.7.2018)
