|
Verschiedene: Codex diplomaticus Anhaltinus/Band 5 |
|
|
94
uns daz vorkundegit were, daz soldin zy nemen, konde wir abir dez nicht getun, zo solde wir yn behulffen syn zu irem rechtin, ab is czu krige kerne, noch negisten vier wochin, als vor screbin stet, und soldin daz getruwelich thun ane gewerde und uns nicht fredin noch sunen, wir yn theten daz mit irem gutin willen. Were ouch daz iz czu eyme rithen krige queme, so soldin wir unser iczlich sine koste unde lute legin keygin die wygende, wur uns allen duchte, dar des allermeyst not were, unde daz solde unser iczlich haldin und thun nach syner macht, alz wir des eyn worden stunde unde stede und alz hirnach geschrebin ist: wir Albrecht vorgenante erczbischof zu Meydeburg sechteyn mit glevyen und sechs scutten2 unde die vorgenanten hern von Anhalt greve Otte mit iiij glavien unde ij scutten2, greve Bernd, greve Rudol iiij mit glavien und ij scutten2, unde wir grave Gunter unde grave Hans von Mulingen iiij mit glavien unde ij scutten2. Unde gevele denne alzo de wrome, wen wir unser alzo iczlich unse lute zusamne gelegit hetten, von dem vromen solde man dye koste abelegin unde geldin: waz dar obrich, daz solde man teylin nach anczal der gewapenter lute, die den wroinen irworbin hettin. Gesche ouch daz man schaden neme, den schaden solde man richtin und gel- din nach antal gewapenter lute. Were ouch daz unser keyner westen vorlore adir daz die bestalt odir vorbuwit wordin, zo soldin und woldin wir1 von stund an darzu wolgin getruwelich mit fullrkumener macht1 uff unsir selbir koste, wromen.und scaden unde uns nicht fredin noch sunen mit den, dye daz getan hetten, wir yn hetten daz slos widerkrigin adir gewunnen adir gebrochin unde die wigende weren abegeczogin oddir teten daz mit decz gutim willen, die daz slos vorloren hetten adir deme ys bestallit adir vorbuwet were. Were ouch das wir westen gewunnen, die von unser eyne zu leyne gingin, dy vesthe solde der herre behalden, von deme sye zu lehene ginghe, und der solde dye andern hern abelegin und ire koste geldin nach anczal gewapenter lute, die sie darzu gehabbit habin. Worden ouch vesthen gewunnen, die von unser keynem zu lehene gingin, welchem unser die veste gelechen were zu seynem lande, dy Solde die vesthen behaldin unde die lassin werdigin: daz soldin thun unse ergnanten ern Albrechts erczebischoff zu Meydeburg manne iiij, der von Anhalt manne viere unde unser hern manne von Barby zwene: die zchene mittenander darczu schicken, waz dye erkenten, daz die veste werdig were, daz gelt solde der uzgebin, der die vesthen behilde, bynnen sulcher ziit, alz die zcene oder mermenige usspreche, und daz gelt solde man teylen nach anczal gewapenter lute, die met weren, alz man sulch veste gewunne. Wolde abir der die vesten nicht behalden, zo soldin wir sye unter eynander die behalden zo lange, daz wir anders darumb zu rate worden. Gewunne man ouch vesten, die unser eyns weren unde vorsaczit hette, die solde dem bliben, der sie vorsaczit hette, und daz gelt, dar sie vorsaczit were, solde er es usgebin binnen zulcher ziit, alz dye ergenante zcene odir die mermenige usspreche, daz solde man teylen nach antal gewapenter lute, die die vesten hetten gewunnen. Geschege ouch daz wir mit enander eynen ret hetten unde denne wromen unde scaden nemen, den schaden solde man aberichten mit dem- selbin vromen, alz der wordirst wendit, und blebe den icht obrig von dem vromen, daz solde man teylen nach anczal gewapenter lute, die uff dem velde weren, do der schade und frome gevele. Geschege ouch daz wir ergenante herrn czu tedinge quemen under eynandir umb sache, die .uns vorgenanten erczbisschoff Albreche odir unse manne nicht antrete, umb waz sache daz were, daz solde Albrech erczbisschoff unser man sechse unde
sechse der hern man von Anhalt und ij man der hern von Barby, die sye darczu schikten,
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 94. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_094.jpg&oldid=- (Version vom 31.7.2018)
