|
Verschiedene: Codex diplomaticus Anhaltinus/Band 5 |
|
|
90
dert umme bliven, unde se scolen darto eren ghuden willen geven. Were ok dat we unser slot yenich vorsetten musten unde bekümmern dorch unser not willen, dat scole we ok don mit unser ergenanten ohemen rade, witscap unde willen unde on dat ok von erst beyden, alse vor gescreven sthet, unde scolen dat setten vor beschedene pen- nighe unde dat slot denne vorder nicht bekümmern mit yenighen pennighen, denne alse we dat slot setten, unde scolen dat yo also bestellen unde vorbreven alse dicke, alse sek dat gebord, were dat we ane rechte lehenerven aveghingen, dat de losinge yo scal gevallen an unse vorgenanten ohemen unde ere erven. Were ok dat we edir unse manne mit unser ergenanten ohemen edir mit eren mannen eder unse mannen an beydent syden under einander schelhaftigh worden edir schulde gewunnen, so scole we ut unserm rade twene unde unse ohemen ut erme rade 6k twene darto schicken, de scolen vorsuken, dat "de de schelunge bynnen verteyn nachten gutliken untrichten unde hinleggen: kün- den se des in vertein nachten nicht untrichten in fruntscap, so scolen de veire dat darna in den nest volgenden verteyn nachten untscheden mit deme rechten, unde darane scal uns unde unsen mannen an beyder syd genüghen. Ok is gededinget umme de kryge, de we yczunt vor banden hebben, darinne we vor desser eynunghe sint begrepen, dat we de scolen sunen, untrichten unde hinlegghen edir scole deselven utkrygen, unde scolen dormede unse ergenanten oheme unbekümmert laten, et en were denne dat se uns dorch sunderliker fruntscap darto weiden hehulpen wesen. Ok en scole we noch unse manne nicheyne kryge maken, we don dat denne mit der ergenanten unser ohemen rade, witscap unde willen, unde willen ok unse unde unser ohemen man by ghuden gnaden unde by rechte laten, unde scolen eres rechten mechtigh sin unde se eres rechten getruweliken vordedingen gein allermalken ane geverde. Were ok dat ymand unse ergenante ohemen vorungnaden edir ere viant sin weide odir unse ohe- men to ymande wes rechtes hedden, to den scole we dat recht vor se beyden: künde dat unsen ohemen denne wedirfarn, dar scolen se sek ane laten nughen. Were des nicht, so scole we darna unser ohemen behulpen sin to erme rechte, so we getruwelik mögen, wen we von on darumme gemant werden. Were ok dat unsen ohemen krich upstunde, dar scole we on to behulpen sin, also vor gescreven sthet, unde scolen unse man unde koste leggen an sulke stede, wur unser manne twene und unser ohemen man twene, de we darto senden, duncket, dar et landen unde luden allernüttest sy unde evene kome, unde scolen unse koste bestellen na der veire rade ane wedirsprake. Vortmer, were dat we edir unse manne mit unseren ohemen edir mit eren mannen up dem velde weren unde vromen nemen, dat scole we halden, alse dat von aldere ein gewonheit ist gewest. Were ok dat we mit unseren ohemen slot, lande unde lüde ge- wunnen, dat scole we halden broderlik und getruwelik uns an beyder syd to vromen ane geverde. Were ok dat we sunderliken slot, land unde lüde herkregen edir koften eder penninghe darup deden, de scole we unseren ohemen ok tofüghen getruweliken unde laten hulden in aller wise, alse andere unser slot, lant unde lüde. Were ok dat unsen ohemen yenigh erer slot bestallet edir avegewunnen worde, dar Got vor sy, so wille we von stunden an darto volgen mit ganczer macht, wen uns dat witlik wurd, ane vorthogh, unde willen dat getruweliken redden unde herweren, so we allerbest kunnen unde mögen, ane geverde. Alle desse vorgescrevenen eynunghe, stucke unde articule hebbe we vorgenante Otte, Bernhard unde Rudolff fursten to Anhalt glovet
unde gloven den hochgebornen Seghemunde, Albrechte unde Woldemare fursten to An-
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 90. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_090.jpg&oldid=- (Version vom 31.7.2018)
