|
Verschiedene: Codex diplomaticus Anhaltinus/Band 5 |
|
|
89
halt, unsen lieven ohemen, in alsulker wise, alse unse elderen seliger gedechtnisse vore mit einander in sampder herschap gewesen sint, unser herschefte mit einander an bey- der syt getruweliken to vorhegene unde to beschermene in aller wyse, alse hirna ge- screven sthet: Were dat we ane rechte lehenerven aveghingen, dar Got vor sy, so scal alle unse herschap, land unde lüde, slot unde stede, de we hebben, gevallen an unse vorgenanten ohemen von Anhalt unde an ere erven unde ewichliken by on bliven, unde hebben darup Unsen egenanten ohemen al unse lant unde lüde laten hulden, unde scolen se mit uns ok laten belyen mit allen unsen landen unde herscheften, der we nicht eyghen en hebben, unde willen darto getruweliken helpen ane geverde, dat se darmede mit uns also werden beleghen. Wat we aver to eygene hebben, dat wille we on giftigen unde geven vor gehegedeme dinghe unde hebben darup unse voghede, de we yczunt hebben, unsen ergenanten ohemen laten hulden, unde willen on darna alletid alse dicke, alse we nyghe voghede setten, deselven vogede laten hulden. Unde wen we ok von unsen mannen belygen, von graven, vryhen heren, ridderen edir knechten, also dicke, alse sek dat gebord, de scolen unsen ergenanten ohemen ok hulden mit uns mit alsulkem underschede: were dat we ane rechten lehenerven aveghingen, da Got vor sy, so schulden se sek halden an unse vorgenanten ohemen unde an ere erven, unde an- deres nicht. Ok so scole we arbeyden, so we allergetruwelikest mögen, umme unse graven, vryhen unde heren, de lehen von uns hebben, dat we de ok tofüghen unde to- brenghen an unse vorgenanten ohemen mit der huldunge unde lehen, so we vorderst mögen. Were ok dat unse vorgenanten ohemen aveghingen unde rechte lehenerven lethen, de nicht mundich en weren, de wolle we to uns nemen unde de Vormunden, so we allergetruwelikest mögen, ane argelist na rade veire erer man, de unse erge- nanten ohemen an erme levende edir ere man darna dato keysen, de in erer herscap beseten sint, unde alse dicke alse der ein aveghet, scolen ere man eynen anderen kysen in des stede also lange, dat de kindere also mundich werden, sint dat heren, dat se selven erer herscap mit unserm rade unde mit rade unde hulpe erer eygene man unde anderer erer fründe mögen vorhegen unde beschermen. Weren dat ok vrowichen, de wille we in eren unde in werdicheit halden unde de to der werlde beraden von derselven erer herscap mit rade unde witscap erer manne, also vor gescreven sthet, also vort alse se to der werlde dogen, unde willen dorby, alse äff se unse eygenen kindere edir sustere weren. Ok wille we alle liftüght halden unses ergenanten ohemen graven Seghemundes wive unde siner müder in aller wis, alse se dormede sint begiftiget unde begavet, ane geverde. Were ok dat unsem ohemen graven Seghemunde sine vrowe, de he yczunt het, von dodis wegen aveghinge, dar Got vor sy, also dat he sek voranderen weide edir sine brodere edir ere erven, dorna, wen sek dat geborde, so schulde man den vrowen, de se nemen, lifgedinge maken na fruntscap unde na deme egelde, dat on met- gegeven worde, alse mogelik were. Unde darto scholde we twene unser man unde unse ohemen ok twene erer manne kysen, de schulden dat handelen unde maken, als et redelik were. Were ok, dar Got vor sy, dat uns geschefte under ogen stunde, darumme we lant edir slot vorkopen musten edir vorsetten, darumme scole we unde willen mit unser ergenanten ohemen umme tosampne ryden unde dar nicht avedon, we don dat mit erme rade, witscap unde willen, unde scolen on dat erst beden. Kunnen se denne weghe vinden, dat uns de pennighe von on werden, so scole we on des aller- levest ghunnen: kan aver des nicht gesin, so scole we darvon on genczliken unghehin-
12
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 89. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_089.jpg&oldid=- (Version vom 31.7.2018)
