|
Verschiedene: Codex diplomaticus Anhaltinus/Band 5 |
|
|
1384 Juli 4. Auf dem Schloss zu Harzgerode. Fürst Otto III von Anhalt verzichtet auf das Eigenthum an sechszehn Marktscheffeln Korn auf dem Felde zwischen Dittichenrode und Rossla zum Besten des Nicolai-Altares zu Kelbra.
In Godis namen amen. We Otto von Godis gnaden furste to Anhalt, grave to Aschanien und here to Berneborgh met unsen erven allen bekennen openbar in dessem geinwerdigen breve und don kunt alle den, dy en sehen, hören oder lesen, dat Hans und Betman von Tutkerode gebruedere undt ere erven, unse man, sechzehen marchschepel korngeldes weiszen, rogghen und gersten, gelegen in deme velde zwischen Tutkerode deme dorpe und Roszla deme dorpe, de de vorgenanten unse man met einander von uns to erve und to lehene hebben, lutterliken dorch Godis willen und to heyle und to gedechtnisse erer unde erer eiteren sele met allem rechte gegeven hebben an den altar, de dar gewyget is in de ere des hilgen heren sente Nicolai des hilgen bischops in der stat to Kelvera, to eyner ewegen messe. Desse vorgenanten sechtzen marckschepel korngeldes hebbe we vorgenante Otto furste to Anhalt und unse erven dorch Got und heil uns und unser eidern sele met wolbedachtem mude to der ergenanten vicarien, de dar itzunt het de beschedene priester her Merten Sebeyd und ock darto ein vicarius is und se von rechter lehenschaft innehet, mit allem rechten gefryget und geeigent und frygen und eigenen de also in sulcher wis, dat we uns aller lehenschaft und alles rechten, de we to den ergenanten guetern gehat hebben oder gehaben mochten, durch Gots willen lutterlicken vorzighen und eigenen und frygen en und eren erben die ergenenten sechtzen marchschepel korngeldes met alle der egenschaft und fryheit, also we und unse erven de vorgenenten gueder selves gehat hebben. Des to bekentnisse, dat alle desse vorgeschrevene bede, stucke und articule desses breves von uns und von allen unsen erven stede, gantz und unvorbrochlick werde gehalden, so hebbe we unse insiegel von uns und von allen unser erven wegen wissentlich und met wolbedachtem raode laten hengen an dessen breff, de dar gegeven und gescreven is up unsem slote in unser stat to Hatzkerode, na Godis gebort dretteinhundert iar darna in deme veirundachtegesten iare, an sante Odalrici daghe des hylgen bischops.
Nach einer auscultierten und beglaubigten Copie des Jahres 1578 im Haus- und Staatsarchive zu Zerbst.
1384. August 1. Die Fürsten Otto III, Bernhard V und Rudolf von Anhalt verkaufen den Vicarien des Domes zu Magdeburg fünf Mark Ingeld jährlich von dem Rathhause der Altstadt Bernburg.
We Otto, Bernard und Rudolff gevetteren van Godes gnaden vorsten to Anhalt, greven von Asschanien und herren to Berneborg bekennen openbar in dussem brive
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 50. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_050.jpg&oldid=- (Version vom 27.7.2023)
