|
Verschiedene: Codex diplomaticus Anhaltinus/Band 5 |
|
|
33
executor trium sententiarum diffinitivarum pro venerabilibus dominabus abbatissa et capitulo secularis ecclesie in Gernrode, Halberstadenais diocesis, nullo medio ad Romanam ecclesiam pertinentis et contra reverendum patrem et dominum Petrum episcopum Olomucensem, tunc archiepiscopum Magdeburgensem, et capitulum ecclesie Magdeburgensis de et super nonnul- lis villis, videlicet Alsleve maiori et Alsleve minori, ac mansis, areis, silvis, pratis aliarum villarum ac rebus aliis in instrumentis dictarum trium sententiarum diffinitivarum in sacro pallatio causarum apostolico per certos auditores dicti sacri pallacii latarum ad hoc spe- cial it er deputatos expressatis cum certis penis in eisdem contentis et debitis temporum et monitionum intervallis dictos dominos Petrum episcopum Olomucensem, tunc archi- episcopum Magdeburgensem, capitulum ecclesie Magdeburgensis ac omnes et singulos dignitates, personatus, amministraciones, officia seu beneficia in dicta ecclesia habentes et tenentes monuit et requisivit et requiri ac moneri fecit, ut ab occupacione et deten- tione dictarum villarum, mansorum, arearum seu rerum ac bonorum aliorum desisterent et cessarent et effectualiter et libere dictas dominas ad eas seu ad ea restituerent et reintegrarent suosque eciam advocatos et officiarios desistere facerent et cessare et de fructibus perceptis et emolumentis earundem villarum ac bonorum seu expensis iuxta summam in instrumentis sententiarum et condempnationum et litteris apostolicis super hoc obtentis expressatis cum caucione ydonea condignam satisfactionem prestarent de cetero non molestando et huiusmodi occasione in rebelies excommunicationis, in capi- tulum vero ecclesie Magdeburgensis suspensionis et in ipsam ecclesiam Magdeburgensem seu universitates ecclesiastici interdicti sententias promulgarent. Post hec dominus decanus ecclesie sancti Ciriaci extra muros Brunswik pro tempore nostri et dicti domini Angeli in hac parte collega et executor super ulteriori executione requisitus dictorum rebellione exigente Processus, dicti domini Angeli multipliciter cum sententiis et penis in eis contentis aggravavit et reaggravavit usque ad divinorum cessationem et strictissimi interdicti observacionem inclusive non tantum contra episcopum et capitulum sed eciam contra canonicos et singulares personas de capitulo Magdeburgensi capitulum facientes, quibus tarnen, prout plene constabat et constat, in nullo est paritum sed contra omnes et singulos est vetitum et contrafactum, propter quod ob dictorum rebellionis constan- ciam et inobedienciam pro parte dictarum dominarum ad sedem apostolicam pro re- medio oportuno humiliter fuit supplicatum, que attenta facti veritate et inspecta sen- tentias et Processus pro dictis dominabus contra predictos in omnibus suis clausulis et capitulis approbavit, mandans per certas litteras suas apostolicas eisdem executoribus, de quorum numero nos sumus, per processus aggravatorios et reaggravatorios firmiter ad ulteriora contra eosdem procedi omni appellacione postposita, invocato ad hoc, si opus fuerit, auxilio brachii secularis. Quas quidem litteras una cum presentibus litteris vobis, domino decano predicto, volumus exhiberi, cum nos requisiti variis et diversis nostris et monasterii. nostri negociis arduis sumus prepediti, quod huiusmodi executionis trium sententiarum diffinitivarum negotio personaliter non possumus intendere nec In- teresse. Idcirco vobis tenore presentium plenarie et integraliter committimus vices nostras, de vestra legalitate confisi, in Domino affectantes et, in quantum de iure de- bemus et possumus, auctoritatem apostolicam nobis in hac parte traditam in vos sub- delegamus et transferimus eandem, mandantes vobis, quatenus in dictarum trium sen- tentiarum diffinitivarum executione1 eciam usque ad totalem consummationem procedatis previa ratione iuxta predictarum litterarum apostolicarum seriem et tenorem. In cuius
5
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 33. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_033.jpg&oldid=- (Version vom 31.7.2018)
