|
Verschiedene: Codex diplomaticus Anhaltinus/Band 5 |
|
|
1380. Juli 25. Fürst Johann II von Anhalt bestätigt den Verkauf von zwei Hufen Landes, die Breithufen genannt, seitens seines Vasallen Heinrich Schulten an das Capitel der Collegiatkirche S. Bartholomäi zu Zerbst.
In nomine Domini amen. Nos Johannes Dei gracia princeps in Anhalt et comes Aschanie publice recognoscimus per presentes, quod fidelis noster Heinrich Schulten, filius Syfridi Schulten, rite et legittime vendidit honorabilibus viris . .' decano et capitulo ecclesie collegiate sancti Bartholomei in Cerwist nobis dilectis duos mansos vulgariter dictos die breithufen cum ortis, pratis, pascuis et lignetis dictis mansis per- tinentibus et annexis, cum omni iure suo, quod sibi actenus conpetebat in eisdem, prout dictus Heinric Schulten mansos prefatos iure hereditario et paterno pro tempore iuste ac pacifice tenuit et possedit. Quam quidem empcionem debita ac plenaria solucione per dictos dominos decanum et capitulum ad usum Heinrici Schulten cum summa sexa- ginta marcarum Brandenborgensis usus et monete prompte pecunie celebratam et re- signacionem dictorum mansorum per ipsum pro se et suis heredibus et successoribus coram nobis et nostris militibus et vasallis libere factam dictorum heredum suorum vivo cum consensu presentibus nostri principatus testimonio firmiter ac inviolabiliter appro- bamus observandam. Insuper et nos princeps memoratus, volentes dicte ecclesie utilitati et successibus plenius consulere ut tutor fidelis et patronus, ut dicta ecclesia in bonis suis radicitus sit fundata et mansura, ut domus sapientis supra firmam petram, ne per insultus turbinum facilius evellantur et bona cum obsequiis Christi minuantur, ad hono- rem misericordis Dei, gloriose virginis Marie, beati Bartholomei apostoli ac omnium sanctorum et ad salutem omnium, quorum sunt annexe elemosine, dictos duos mansos cum omnibus ac singulis suis pertinenciis memoratis pia voluntate et nostri principatus plena auctoritate dedimus, assignavimus et appropriavimus et presentibus damus, unimus ac appropriamus cum omni iure, libertate ac proprietate dicte ecclesie collegiate beati apostoli Bartholomei in Cerwist divini cultus salubrius in augmentum cum omnibus iu- ribus, fructibus, fundo et proventibus irrevocabiliter perpetue permansuros, abrenunc- ciantes et integre cedentes pro nobis, nostris heredibus, successoribus ac aliis quibus- cumque omni iuri ac impeticioni, que nobis aut aliis actenus conpetere poterant in eisdem aut quomodolibet ultro possent in futurum. In quorum omnium et singulorum premissorum evidens et perpetuum testimonium sigillum secretum nostri principatus de nostro iussu et.mandato presenti littere est appensum.
Acta sunt hec presentibus nostris fidelibus Henningho Riken milite', Gerolt Gruban, Alberto de Cerwist, Cunen de Paszleven, Andrea Schulten et Hinczen Voyde, et quam pluribus aliis viris fide dignis et honestis, anno Domini millesimo trecentesimo octoge- simo, ipso die beati Jacobi apostoli gloriosi.
Aus dem Original im Haus- und Staatsarchive zu Zerbst, das an einem Pergamentbande angehängt gewesene Siegel ist verschwunden. — 1. Orig. statt des Namens nur Punkte. — 2. Orig: miiiti.
Verschiedene: Codex diplomaticus Anhaltinus. Fünfter Theil. 1380-1400.. Dessau: Emil Barth, 1881, Seite 12. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_5_012.jpg&oldid=- (Version vom 31.7.2018)
