|
Verschiedene: Codex diplomaticus Anhaltinus/Band 4 |
|
|
1379. November 7. Rom. Erkenntniss des päpstlichen Auditors Johannes Mombray über die Taxation der in dem Prozesse des Stiftes Gernrode gegen das Erzstift Magdeburg in Sachen der durch letzteres in Besitz genommenen Alsleber Güter von jenem aufgewandten Kosten.
In Dei nomine amen. Pridem sanctissimus in Christo pater et dominus noster dominus Urbanus divina Providentia papa sextus ad supplicationem procuratoris et procuratorio nomine religiosarum dominarum abbatisse et conventus monasterii raonia- lium sancte genitricis Marie et sancti Petri, principis apostolorum, sanctique Ciriaci martiris in Gernrode, Halberstadensis diocesis, causam et causas, que vertebantur inter dictas abbatissam et conventum ex parte una et reverendum patrem dominum archi- episcopum et capitulum ecclesie Magdeburgensis de et super nonnullis villis et pro- prietatibus et mero ac mixto imperio necnon iurisdictionibus et rebus aliis in com- missionibus et processu cause expressatis et predictorum seu ipsorum et cuiuslibet eorum occasione, tarn coniunctim quam divisim, ex altera easque audiendas, resumendas et ulterius decidendas et fine debito terminandas cum omnibus emergentibus, inciden- tibus, dependentibus et connexis nobis Johanni Mombray, utriusque iuris doctori, suo capellano et ipsius sacri palatii apostolici causarum auditori, et quod iustitiam faceremus, propter absentiam venerabilis et circumspecti viri domini Galhardi de Nova Ecclesia, dicti sacri palatii apostolici et cause huiusmodi olim auditoris, commisit. Cuius quidem commissionis vigore in causa seu causis predictis rite et legitime procedentes et servatis servandis pro dictis abbatissa, sororibus et conventu et contra dominum archiepiscopum et capitulum ecclesie Magdeburgensis predictos nostram diffinitivam sententiam duximus proferendam, prefatos dominos archiepiscopum et capitulum in expensis per dictas abba- tissam, conventum et sorores seu moniales in persecutione cause seu causarum predicta- rum tarn coram diversis dominis sacri palatii causarum auditoribus quam nobis legitime factis iudicialiter condempnantes, ipsarum expensarum taxatione nobis reservata, prout hec et alia in instrumento sententie nostre exinde confecto et sigillo nostro impendente sigillato signoque et subscriptione notarii publici infrascripti subscripto et signato latius et plenius continetur. Deinde effluxis aliquibus retroactis temporibus nos ad discreti viri magistri Jacobi Repest, in Romana curia et dictarum abbatisse, conventus, sororum seu monialium principalium procuratoris, prout de mandato suo nobis extiterat plena facta fides, instantiam magistrum Johannem de Gudensberg, etiam in dicta Romana curia ac dicti domini archiepiscopi Magdeburgensis procuratorem, per certum dicti domini nostri pape cursorem necnon capitulum Magdeburgense predictum et ipsius procuratores, si qui erant in Romana curia, pro eodem per audientiam publicam litterarum contra- dictarum ipsius domini nostri pape ad videndum et audiendum per nos taxari expensas supradictas vel dicendum et allegandum causam seu causas, si quas haberent rationabiles, quare huiusmodi expense taxari non deberent, peremptorie citari fecimus ad diem et horam, videlicet inferius annotatas, quas etiam dicto magistro Jacobo procuratori et parti sue ad idem tunc prefixeramus. Quibus advenientibus comparuit in iudicio coram nobis magister Jacobus, procurator predictus, procuratorio nomine, quo supra, et quan- dam citationis pergameni cedulam a nobis emanatam et de nostro mandato in dicta
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 417. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_417.jpg&oldid=- (Version vom 31.7.2018)
