|
Verschiedene: Codex diplomaticus Anhaltinus/Band 4 |
|
|
412
von Wolven, Albrechte von Isenburg, Erwin von Repchow, Albrechte von Cerwist, Hen- ninge von Czimmenstede, Sluke Spisere, Tylen Lupticze, Clawse Bernstorpe und den radmannen der stad to Cerwist viertig marg Brandenborsch silvers Magdeborgisch ge- wichtes und gewere vor Heinrik von Bellyn sienen gefangen, dat wie scholen und willen dy viertich march geven und betalen an alle argelist und vortoch, dy helfte de geldes twintich march up den nehsten to komenden sende Mertyns dach up dem radhuse to Cerwist mit bereyden pennigen und dy andern helfte des geldes darnach up den nehsten to komenden vastilabend darselvens to Cerwist mit bereydem gelde an alle beschoninge und Widerrede. Und wor wie disse virtich march up dy vorschreven tyde sende Mer- tyns dach und to vastilavende unsem herren von Anhalt genczliken nicht en betaleden, so scholen wie und willen von Staden an ryden in dy stad to Cerwist und dar leisten und halden unserm genanten hern von Anhalt ein recht inleger, als inlegers recht ist, an arch und von dennen nicht to komende, wie en hebben denne tovorne dy bedageden vorgenanten pennige genczliken gegeven und betalet. Und dywile dat wie disse vier- tich march genczliken und all nicht en hebben betalet, so sal der ergenante Heinrik von Bellyn unserm genanten hern von Anhalt in dem ersten gelovede und gefengnisse bestricket blibe und geheftet, als tovorne und ok also lange, dat he unsem herren von Anhalt hebbe geleistet eyne volkomen orveyde, sienem lande und luden, und dy orveide mit twein bekanten bederver luden siener frunde vorwisset hebbe und vorbrivet, unde besundern ok umb den erwerdigen herren dem bischofe von Havelberg, dat unse herre von Anhalt und alle dy sienen und dy to der stund mit ym up dem velde waren, da Henrik von Bellyn wart gefangen, von disser sake und geschichte wegen von dem genanten dem bischofe von Havelberch an alle vordechtnisse und teydinge blive und Henrik von Bellyn des hebbe geschicket und geantwordet unsem hern von Anhalt unses hern des bischofes orkunde und open brive. Und wan alle disse vorschreven stücke, artikel und gelovede und brive unsem hern von Anhalt sint genczliken vollentogen und geleistet, so sal Heinrik von Bellyn des gefengnisses von ym ledig sin und enpunden. Ok en schal neyne sake ader vorsumenisse von schrift oder ingesegele wegen dissem brive und allen geloveden schedelik noch hinderlik sin. Alle disse vorschreven gelo- vede und artikel hebben wie genanten Herman Domus, Henning von Stechow und Henning von Lenczk gelovet und loven an arch unsem hern greven Hanse von Anhalt und sienen erven und en to getruwer hant den ergenanten fursten und herren ern Wenczlae, ern Albrechte hertogen to Sassen und Lüneburg, ern Frederike marggreven to Miszen unde dem edeln greven Henrik von Henneberg und den erbarn lüden ern Kerstan Beemen, ern Gerharden Woyen, Hanse von Brandys, Henrik von Wolwen, Albrecht von Isenborch, Erwin von Repchow, Albrecht von Cerwist, Henninge von Czim- menstede, Sluke Spiser, Tilen Lupticze und Clawse Bernstorpe und den radmannen der stad to Cerwist stete und gancz to halden mit orkunde disses brives, den wir darover haben gegeven mit wolbedachtem mute und mit gudem willen vorsegelt wissentlich mit unserm eygen ingesegeln.
Dy is gegeven nach Gods gebort dritteinhundert iar in dem negendenundseventigestem iare, an der mittewachen in sende Margarethen tage.
Aus dem Original im Haus- und Staatsarchive su Zerbst, mit den an Pergamentbändern anhängenden Siegeln der drei Autteller. — In dorso (gleichseitig): Hinrik Bellyn die
bliff schnldich twelff mark.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 412. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_412.jpg&oldid=- (Version vom 31.7.2018)
