|
Verschiedene: Codex diplomaticus Anhaltinus/Band 4 |
|
|
horen liessen, dat wy von gantzer macht unses furstendumes und herschoft unde met fulbort unser erffen von gudem willen hebben gegeven unde geeygent unde geven ge- gen wer dienlich mit kraft disses briffes in die ere des allemechtigen Godes, unser frouwen sente Marien unde aller heiligen unsen elderen unde uns unde unsen lieven erffen thu geistlichem trouste unde unser seien salicheit thu dem altare der heiligen aposteln sancti Philippi und Jacobi unde sancti Gangolm in der parrenkerken thu sinte Nyco- lausze thu Czerwist thu Trüben upp sess huffen upp yowelker sestehalven schepel roggen grotes mates ierlikes tinsses unde in der molen thu der Nudt eynen wispel roggen cleynes mates ierlikes tinsses unde upp der veitmarken tu der Nudt von driddehalver hufen, die nu Hans Kappe werket, tweyundetwintich schepel roggen cleynes mates unde twintich schepel haveren cleynes mates ierlikes tinsses; ouk upp driddehalver hufen, die darselbens Wolter Buermeyster nu drifft, tweyundetwintich schepel roggen cleynes mates unde twintich schepel haveren derselven mate ierlikes tinsses; ouk upp eyner halven hufen, die dat godeshus dar thu der Nudt nu leth werken, vire schepel roggen cleynes mates unde eynen schillingh penninghe1 ierlikes tinsses; aver upp eyner halven huffen, die Heyne Hoffemann nu drift, vire schepel roggen cleynes mates, vire schepel haveren cleynes mates unde eynen schillingh penninghe; ouk upp driddehalver hufen, die Fromolt Neykholt nu werket, viff schepel roggen cleynes mates unde viff schilling penninghe, unde upp twen huffen, die Pokendorp nu drift, achtein schepel roggen unde sesteyn schepel haveren cleynes mates; aver upp eyner hufen, die Grussemannu drift, negen schepel roggen, acht schepel haveren unde twey schilling penninghe thu tinsse, unde upp dren hufen, die Peter Boden nu drift, dry schepel weyten, negen schepel roggen unde eynen wispel haveren cleynes mates, unde upp twen derselbigen dryer huven acht Schillinge penninghe yerlikes tinsses unde uppe eyner halver hufen, die nu Hans Wendt werket, vire schepel haveren cleynes mates, unde uppe eyner hufen, die Grybow dar thu der Nudt nu drift, negen schepell roggen cleynes mates unde acht schepel haveren. Alle disse vorgenante unde vorbeschrevene gulde, pacht unde tinsse von Trüben unde Nudt hebben wy genanten fursten luterliken unde genczliken dorch Got gegeven unde geeygend met ewichem eygentume2 thu dem ergenanten altare thu dem dinste unses liven hern also, dat die prister unde capellane des altaris nu unde alle tyd des gudes met roweliken geweren ewichliken gebruken schall unde benuten, unde vortyen mit disser gift unde hebben vortegen vor uns, unse erffen unde nachko- melynge genczliken alle unses rechten, anwardinghe, angefelle unde ansprake, die wy ad dir sy nu addir hirnach an alle der genanten gulde, pacht unde tinsse muchten hebben. Ouk so gunnen wy unde geven gancze macht mit fulbort unde folge unser erffen der lehen unde patronadt disses altares unsen liven getruwen Koppe Winkelle, Hansse Winkele, sinem sone, borghere thu Czerwist, die dit altare met eren ervengude unde almissen nach unssem rade unde willen hebben gebuwet, bewedemet unde gestiftet, dat sy unde ire rechte erffen dat altare schollen lyen, weme sy des dorch Got gunnen, ane alle ansproke unde hinder. Thu thuge disser gift unde eygendoms sint: unse ge- truwen Gerolt Grubans, Albrecht von Czervist, Cune van Pazleven, Andreas Schultes, herren Jacob von Repgow unser schriver, und ouk anderer frommer lüde genuch, die hiraver iegenwerdich sint gewesen. Und des thu orkunde unde ewiger gedechtnisse so hebben" wy genante fürst gegeven dissen briff vorsegelt mit unsem fürstlichen inge- segil, dat wy mit bereidem* mude unde guden willen hiran hebben laten henghen.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 367. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_367.jpg&oldid=- (Version vom 31.7.2018)
