|
Verschiedene: Codex diplomaticus Anhaltinus/Band 4 |
|
|
1378. Februar 5. Das Kloster Mehringen überlässt an seinen Propst, den Pfarrer Hans zu Mehringen, fünftehalb Vierding jährlich aus verschiedenen namentlich aufgeführten Gütern.
In nomine Domini amen. Yk Zachele van Berneborch, eyn ebdeschinne tho Me- ringhen, und yk Emele van Alstede, eyn priorisse tu Meringhen, darus dey ghanse ko- vent ghemeynne, wye bekennen openbarliken in desseme ieghenwardyghen bryve alle dygyenne, dy dessen bryf syen eder horen lesen, dat wy hebben ghedan myt vorbe- dachten müde unde myt wyllen unses ghansen koventes hebben ghelaten veftehalven Brandenburghsche vyrdingh gheldes heren Hanse unsen pernere unde unseme proveste tu Meringhen vor syne schulde alle iar uptunemende up sunte Martinus dach: van eyn- neme hove achteyn crossen, den heft Ban Juttejenen sone; van eynneme hove achteyn crossen, den heft Gryte de vor Eselynne dochter; van eynneme hove teyn crossen, den heft dye Stakenaghelynne unde Hennigh ore sone; van eynneme hove seven crossen, den heft Hynryk Blawerok unde syne huswrowe, Hans Hilleken dochter; van eynneme hove neghen crossen, den heft Hans Cok, unde van eyneme huese in der stat tu Aschers- leven up deme styghe, dar Hans Rosen wrowe inne sat, tvenneundedruttych crossen, unde van eynneme hove vj crossen, den heft Jacob Ruscher dy iunghe, unde van eyn- neme hove teyn crossen, den heft Dopelere. Wyre nu dat her Hans unse perre unde provest sterve, des God nycht en wyl, so scholde dat vorbenante ghelt weddervallen an dye provestyge tü Merynghen. Dat wy desse vorbescreven stucke stede unde ghans halden wyllen, des hebbe wy unses koventes ingheseghel an dessen bryf ghehenghet tü eynner bekentnisse unde tü ener tuchnisse, dat dyt geschyn ys myt unseme wyllen, des hebbe wy her Rulof van Vrekeleven unde her Meyneke van Schyrstede erbarn riddere unde Hans van Rotcheldorp unde heren Hans den pernere tü Drondorp, wy alle unse ingheseghel henghed an dessen bryf.
Ghegheven na Godes bort dusent iar dryhundert iar in deme achtenundesevegsten iare, in sunte Aghaten daghe.
Aus dem Original im Haus- und Staatsarchive au Zerbst: von den fünf an Pergamentbän- dern angehängt gewesenen Siegeln ist nur noch dasjenige Meineckes von Schierstedt vor- handen (Schild mit drei diagonal gestellten, undeutlichen Gegenständen; Umschrift: + S. Meynecke De Schyrstede).
1378. Februar 5. Jordan von Freckleben verkauft an den Pfarrer Hans zu Mehringen eine Hufe Landes daselbst, die nach dessen Tode an das Kloster Mehringen fallen soll.
In nomine Domini amen. Yk Jerden van Vrekeleve bekenne openbar in desseme ieghenwardeghen bryve alle dygenne, dy dessen bryf syen, horen eder lesen, dat yk myt wyllen und myt vulbort myner rechten erven hebbe vorkoft heren Hanse perrer
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 365. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_365.jpg&oldid=- (Version vom 31.7.2018)
