|
Verschiedene: Codex diplomaticus Anhaltinus/Band 4 |
|
|
1377. December 27. Magdeburg. Günther, Graf zu Mühlingen und Herr zu Barby, sowie dessen Sohn Johann geben ihre Zustimmung zu dem Verkaufe des Dorfes Klein-Lübs an die Kapelle U. L. Frauen (S. Gangolfi) im erzbischöflichen Palaste zu Magdeburg seitens derer von Ranies.
Wir edele Gunther grafe zu Mulinge und herre zu Barby und grafe Johannes unser sone bekennen, dat Henning von Roniz, Busse sin sone und Hintze, Ywan und Hildebrant ire rechtin vettern ouch geheiczen von Ronitz mit unser witschafft und fulbort haben vorkoufft den vorsichtigin wisin ern Petere custere und dem capittel und collegio der Capellen unser vrouwin, die dar liit uff des erczebisschoves hofe zu Meideburg, und ire nachfolgere ewiclichin zu haben und zu besittzene daz dorff zu Luttichen Lubiz mit allem rechte und mit allir zubehorunge, wie die genant sin, als sie daz von uns zu lehene hat haben. Dizselbe dorff mit allem rechte und nucz haben die ergnanten von Roniz uns uffgelassin und genczlichin vorczegen zu des egnanten capitels und collegii hant und nucz, und sie haben vor uns vorczeghen aliis rechtis und anspräche, die sie adir ire erbin adir ymant von irer wegene daran haben und thun muchtin an ienniger ziit nach lehenerechte, nach wertlichin adir geistlichim rechte. Disse vorticht und uffla- sunge und ouch uffneraynge is ouch geschin in iegenwerticheit unsers erwertichin hern in Gote vaters ern Peters erczebisschoves zu Meideburg, die unsir oberherre is disses dorffes und gutis. Vortmer bekenne wir vorgnante edeln grafe Gunther und Johannes, daz wir mit fulbort und willen desselben unsers gnedigen hern erczebisschoves Peters und sienes capitels dem vorgescreben ern Petere custere und dem collegio der vor- gnanten Capellen vorkoufft haben unse herschafft und leenunge des vornomenden dorffes zu Luttichen Lubiz und der marke zu Wedelwicz und des gutis, daz darzu höret, und die gerichte darobir, daz hogeste und daz nedderste, mit kerchlehen, mit alle dem rechte und nucz, die unse eidern dar gehat habin und die wie und unse erbin dar haben adir gehaben muchtin in einigher cziit, vor funffczig marc Brandenburgisch Silbers, die uns ful und al beczalt sin.---
Des sint czuge disser ding: die erafftigin er Herman von Werberge domprobist zu Meideburg, er Johannes von Hartisrode custer und er Johannes von Ghulen kemere zum dorne zu Halberstat, und die gestrengen er Ludeke von Gribin, er Ludolff und her Hinrik brodere von Hartisrode rittere, Jordan van Neyndorp, Busse von Cerwist, Frictze von Kothin und Concze von Kothin, Brun von Konecz, Wrigge von Welsleve, und ander vil erbar lute. Und des zu eyner Urkunde und betuchnisse habe wir grafe Gunther und grate Hans vorgnant unser ingesegel beide an dissin brieft' ghehengit lasin, der de gegeben ist zu Meideburg, nach Gotis bort driczenhundirt iar in dem sebinundsebinczi- gisten iare, an sente Johannes tage des hilgin ewangelisten.
Aus dem Original im Staatsarchive su Magdeburg: die beiden an Pergamentbändern ange- hängt gewesenen Siegel sind verschwunden. — Vergl. no. 513.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 361. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_361.jpg&oldid=- (Version vom 31.7.2018)
