|
Verschiedene: Codex diplomaticus Anhaltinus/Band 4 |
|
|
and Torgbeten wert, it en si denne, dat dy vorsichticheit der wisen dy gheschichte and ding mit túghen und mit schriften in ghedechtnisse behalden, bevest und ewich maken, hirumme wy ratmanne tu Tzerwist willen openbar syn and bekennen vor allir menscheit, dy na is and hirna tu komende wert, dat wy nicht alleyne mit eighener volbort unses willen sunder mit witschaft und mit eyndrechtigen rade der vorsichtighen wisen lüde der schepen und ynningenmeystere und borghere ghemeyne der ghenanteu stad Tzer- wist and oak mit rade and vulbort der vorstender der elenden in der parkerken sente Nycolaus hebben gegheven und gheven in dyssem. brieve lâtterliken tu erwerdicheit des almechtighen Goddes und der allirhilghesten iunkvrowen Marien syner mader and oak ta troste, salicheit und ewighe ghedechtnisse der elenden twene wischepel kornes ge- wonlicker marktmate, eynen wischepel roggen und eynen wischepel ghersten, von eyner breide huven tu der andern missen der elenden altar ghebnwet and ghestichtet in der parkerken sente Nycolaus in der hilghen inerterer ere Lyvini, Valentin!, Barbare et Dorothee. Disse twene wischepel kornes scal Andreas Jüterchowe borgher ta Tzerwist, dy nu disse beschrevene breide huve drift und winnet, adir syne nakomelinge, wen he von disser werlde scheidet, gheven und bringen alle iar deme altaristeu, deme dy ghe- nante altar tu der anderen missen geleghen is, up sente Mertens dach ane vortoch. Und dy twene wischepel kornes scolen ewighe tyt tu der anderen missen dessilven altares bliven tu des nut und vrome, dy darmed begnedighet is, und scal dat also bestellen und vóghen, dat he silven tu homissetyden adir eyn ander pryster von syner weghen over dem dicke ghenanten altar misse balde. Vortmer wy ratmanne tu Tzerwist mit vulbort der ergeschrevene lüde leggen und gheven tu ewigher tyt tu dersilven anderen missen der elenden altar eyne mark Brandhenborghes silveres ierlickes tinses an deme huse ieghen sente Nycolaus kor. Dy mark scal Hanse Hesse, dy nu in dat hus won- haftich is, adir wy dat up ierlikem tinse nymt, dem prystere der anderen missen des ghenanten altaris gheven alle iar tu twen tyden, eyne halve mark up Passchen und eyn halve mark in der meyndeweke. Und ouk hebbe wy erbenûmde lüde gegheven und gheven ewichliken driddehalven vyrding Brandenborghes silvers up vyf schuhallen an deme vorghescreven huse. Dissen driddehalven vyrding scole gheven Herman Belitz, Klaus Meiner, Hans von Wyden, Arnt Dunker, Lütke Peter, alle iar iowelk eynen halven vyrding, adir wy nach orer tyt tu tynse nymmet dy vorgheschrevenen hallen, uppe sodan- ghe tyt, alse sy vormydet werden. Darnach hebbe wy ratmanne tu Tzerwist mit vulbort der erghenanten lüde gegheven und gheven tu der dicke ghenanten misse des beschre- venen altaris eyn hus mit eyme garden up dy Molenbrükge, dat Hans Saffen wenteher- tu von den elenden tu erventinse ghehat het, und dy ghenante Hans scal nu mer alle iar deme pristere, dy tu der anderen missen der elenden altar belenet is, gheven eyne Brandebursche mark in twen tyden, eyne halve mark up Passchen und eyne halve mark in der meyndeweke von demeselven huse und garden, adir dy syne neisten erfnamen sint nach syme dode. Denne vortmer gheve wy ouk tu der ghenanten misse twey bu- den mit sodanghen garden, alse dartu wentenoch ghehoret hebben und Heyne Berns- torpes kindere wentehertu erflik beseten hebben. Disse buden und garden gheven und ghelden ierlickes tinses eyne mark, dy men dem pristere der anderen missen der elenden altar gheven scal alle iar up sodanghe tyt, als dy buden mit den garden vormydet werden. Und ouk scal man von dissen erveken und garden schoten, waken und borgher- récht dun, als disser stad wonheit is. Darnach alle disser vorghenanten gülde und
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 358. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_358.jpg&oldid=- (Version vom 31.7.2018)
