|
Verschiedene: Codex diplomaticus Anhaltinus/Band 4 |
|
|
hern Meyniken van Schirstede, Hanse sinem sonen unde eren erven hebben ghesat unde setten to eynem rechten pande unse und unses godshuses slod Engremsleve, hus unde stad, mit allir slachten nut, vriheyt unde gherichte, vischerie, holte, grase unde mit allem rechte, ane ertze, alze dat vorgenante slod unde stad to unsem godeshuse hord, vor drehundert Brandeborgsche mark Halberstadischer wichte, dar we mede ghelost hebben datselve hus unde stat van hern Gherarde van Hoym riddere, deme dat slod und stad vore vor drehundert Brandeborgsche mark stund.--- — ghegeven — na Gods bord dritteinhundert iar in deme sevenundeseventighestem iare, in des nyen iares daghe.
Vollständig in dem Copiale des Bischofs Albrecht III von Halberstadt im Haus- und Staats- archive su Zerbst.
1377. Februar 23. Propst Gregorius von Kölbigk verkauft dem dortigen Klostercapitel verschiedene Gefälle und Zinsen zu Amesdorf.
Wy Gregorius van der gnade Godis provist unde wy nachkomende proviste unde vormundere des heiligen ghodeshuses tue Kolbeke bekennen oppenbarlik in disseme ke- genwerdigen brive vor alle den, dy yn syn, horen oder lesen, dat wy myd ghuden willen unde mit vorbedachten müde dorch des ghodeshuses nod willen redeliken vorkopen unde hebben vorkoufft den erbarn heren unde ghemeyneme capittele dessulven closteris tue Kolbeke ses wyschepel kornes rogghen unde haveren, twyer schepel myn, unde eyn lot ierlikes tynses, also wy dy vore hebben gehat unde upghenomen von des ghoddeshuses wegen in velde und in dorpe tue Amelstorp, dy sy ewichliken behalden unde upnemen Scholen, an allerleye hindernisse, inval oder wedersprake. Vor dy ergenanten .ses wys- schepel kornis, twyer schepel myn, und tyns hebben uns dy hern und capittel gemeyne des vorbenumden ghodeshuses tue Kolbek wedderghegheven unde myd vruntschafft be- talet dryttich mark Brandebursches sylveres, dy in des ghodeshuses nüd unde vromen ghekomen sint. Vortmer so hebben wy vorbenümde heren Gregorius provist unde wy nachkomende vormundere unde proviste tue Kolbeke recht und redeliken vorkofft unde vorkopen den dicke genanten heren unde deme ghemeynen. capittele tue Kolbeke eynen halven vyrding gheyldes ierlikes tynses also, alse wy den hebben ghehat in velde unde in dorpe tu Amestorp, den sy ewichliken an allerleye weddersprake upnemen unde be- halden scholen. Darvore hebben uns dye ergenanten heren gemeyne tue Kolbeke wedderghegheven eyn perd, dar uns wol an ghenugede unde genughet hefft, dat yn ghegheven wart tue eyner iartid von Kimen Voygedis wegen von Warmerstorp, deme God ghenedich sy. Dat wy vorbenumden her Gregorius provist, vormundere unde nach- komende proviste tue Kolbeke disse vorbescrevene stucke stede unde ghancz halden willen, so hebbe wy tue orkunde unde tue eyner bekentnisse myd wiczschop unde myd eyndrechticheyt der herren ghemeyne tue Kolbeke dissen briff besegelet unde bewe- stiget laten myd unsen anghehanghenen ingesegelen' der provistige unde des ghemeynen
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 344. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_344.jpg&oldid=- (Version vom 31.7.2018)
